Ravi Teja: యంగ్ హీరోతో కలిసి మాస్ రాజా మల్టీస్టారర్.. నెక్స్ట్ లెవల్‌లో సినిమా

మాస్ మహారాజ్ రవితేజ వరుస సినిమాలతో ఫుల్ జోష్ మీద ఉన్నారు. ఇప్పటికే బ్యాక్ టు బ్యాక్ హిట్స్ కొట్టారు రవితేజ. త్రినాద్ రావు నక్కిన దర్శకత్వంలో ధమాకా సినిమా చేశారు రవితేజ. శ్రీలీల హీరోయిన్ నటించిన ఈ సినిమా మంచి విజయాన్ని అందుకుంది. ఆ వెంటనే మెగాస్టార్ చిరంజీవి నటించిన వాల్తేరు వీరయ్య సినిమాలో నటించారు రవితేజ. ఈ సినిమా కూడా మంచి విజయాన్ని సొంతం చేసుకుంది. ఇక ఇప్పుడు వరుస సినిమాలను లైనప్ చేసి ఆయా షూటింగ్స్ తో బిజీగా ఉన్నాడు. వీటిలో ముందుగా రావణాసుర అనే సినిమాతో రాబోతున్నాడు మాస్ రాజా. సుధీర్ వర్మ దర్శకత్వం వహిస్తోన్న ఈ సినిమా త్వరలోనే ప్రేక్షకుల ముందుకు రానుంది. ఇప్పటికే ఈ సినిమానుంచి విడుదలైన పాటలు, టీజర్ ప్రేక్షకులను ఆకట్టుకున్నాయి . అలాగే ఈ సినిమా తర్వాత టైగర్ నాగేశ్వరావు అనే సినిమా చేస్తున్నాడు.

అయితే ఇప్పుడు రవితేజ ఓ యంగ్ హీరోతో కలిసి మల్టీస్టారర్ చేస్తున్నారని తెలుస్తోంది. ఓ యంగ్ అండ్ టాలెంటెడ్ డైరెక్టర్ ఈ సినిమాను తెరకెక్కిస్తున్నాడని తెలుస్తోంది. ఇప్పటికే ఆ దర్శకుడు ఇద్దరు హీరోలకు కథ చెప్పాడట. ఇద్దరికీ కథ నచ్చడంతో గ్రీన్ సిగ్నల్ కూడా ఇచ్చారట.

శర్వానంద్ ప్రస్తుతం వరుస ఫ్లాప్ లతో ఉన్నాడు. ఈ మధ్యలో చేసిన ఒకేఒక జీవితం సినిమా మంచి టాక్ సొంతం చేసుకున్నప్పటికి సాలిడ్ హిట్ అవ్వలేకపోయింది. దాంతో శర్వానంద్ ఇప్పుడు రవితేజతో కలిసి చేసే సినిమా పైనే ఆశలు పెట్టుకున్నాడు. ఈ క్రేజీ కాంబోలో సినిమా నెక్స్ట్ లెవల్ లో ఉంటుందన్నది ఇండస్ట్రీ టాక్. మరి ఈ సినిమా ఎలా ఉంటుందో చూడాలి.

Sharwanand