ప్రాణంగా ప్రేమిస్తే మోసం చేశాడు.. ఎమోషనల్ అయిన బిగ్ బాస్ బ్యూటీ

నటిగా గుర్తింపు తెచ్చుకోవాలని ఇండస్ట్రీలోకి అడుగుపెట్టింది. కానీ ఆశించిన స్థాయిలో అవకాశాలు అందుకోలేదు. బిగ్ బాస్ రియాల్టీ షో ద్వారా పాపులర్ అయ్యింది. అయినప్పటికీ ఈ ముద్దుగుమ్మకు సినిమాల్లో ఛాన్సులు రాలేదు. దాంతో సోషల్ మీడియాలో విపరీతమైన క్రేజ్ సొంతం చేసుకుంది ఈ అమ్మడు.

Actress

Rajeev Rayala |
Updated on: Apr 30, 2026 | 1:15 PM

నటి ఇనయ సుల్తానా తన జీవితంలో ఎదురైన తీవ్రమైన ఒడిదుడుకులను, భావోద్వేగ సంఘటనలను ఓ ఇంటర్వ్యూలో వెల్లడించారు. బిగ్ బాస్ షోకు వెళ్లే ముందు కుటుంబ సభ్యులు, బంధువులు తనను పూర్తిగా దూరం పెట్టారని, ఇంటికి కూడా రానివ్వలేదని ఆమె పేర్కొన్నారు. ఆ సమయంలో తాను ఒంటరిగా, స్వతంత్రంగా జీవించానని తెలిపారు. బిగ్ బాస్ తర్వాత కుటుంబం, ముఖ్యంగా తల్లి, ఒక సోదరుడు 11వ వారం ఫ్యామిలీ వీక్లో ఆమెను కలవడానికి వచ్చాక, తిరిగి వారితో సంబంధాలు మెరుగుపడ్డాయని చెప్పారు. అయినప్పటికీ, ఇప్పటికీ తాను ఒంటరిగానే నివసిస్తున్నానని, తల్లి అప్పుడప్పుడు వచ్చి కొంతకాలం తనతో ఉండి వెళ్తారని ఇనయ తెలిపారు. గత నాలుగు సంవత్సరాలుగా జీవితం తనకు మంచి కంటే చెడునే ఎక్కువగా నేర్పిందని, దీని వల్ల తన హృదయం కఠినంగా మారిందని ఇనయ అన్నారు. తనను ఏడిపించే సంఘటనలు ఎదురైనా, తాను బలహీనంగా కనిపించకూడదనే ఉద్దేశంతో కఠినంగా, ధైర్యంగా ఉండేందుకు ప్రయత్నిస్తానని వివరించారు. బిగ్ బాస్ తర్వాత ఒకట్రెండు సంవత్సరాలు మంచి క్రేజ్ లభించిందని, ఆ అవకాశాలను ఉపయోగించుకుంటూ ఈవెంట్‌లు, ఓపెనింగ్‌లలో పాల్గొన్నానని చెప్పారు.

ఇది కూడా చదవండి : Folk Song: ఎంతో అదృష్టం చేసుకుంటే నాకు ఆ పాట వచ్చింది.. యూట్యూబ్‌ను షేక్ చేస్తున్న సాంగ్

అయితే తర్వాత వచ్చిన ప్రేమ వ్యవహారం తన జీవితంలో మరింత డిప్రెషన్‌కు, బాధలకు, ఆత్మహత్య ఆలోచనలకు దారితీసిందని వెల్లడించారు. ఒంటరితనం తనను చాలా వేధించిందని ఇనయ సుల్తానా తీవ్ర భావోద్వేగంతో చెప్పారు. కొన్నిసార్లు తాను చనిపోతే కూడా రెండు రోజుల వరకు ఎవరూ రారేమోనని భావించానని, దీనిని పరీక్షించడానికి రెండు రోజుల పాటు సోషల్ మీడియాకు దూరంగా ఉన్నానని తెలిపారు. మూడో రోజున స్నేహితుల నుండి కాల్ వచ్చిందని, ఆ రెండు రోజుల్లో తాను చనిపోయి ఉంటే, తనకంటూ ఎవరూ లేరని ఆవేదన వ్యక్తం చేశారు.

ఇవి కూడా చదవండి

ఇది కూడా చదవండి : ఇదెక్కడి మేకోవర్ రా మావ..! సూర్య ఎత్తుకున్న ఈ చిన్నారి.. ఇప్పుడు అందంలో అప్సరస..

అలాంటి ఒంటరి సమయంలో తనకు ఒక తోడు కావాలని భావించి, ఒక వ్యక్తిని నమ్మానని చెప్పారు. అయితే, ఆ వ్యక్తి తన కీర్తి, డబ్బు, శారీరక అవసరాల కోసం తనను వాడుకున్నాడని ఆరోపించారు. తాను ఆ వ్యక్తిని నిజంగా ప్రేమించి, పెళ్లి చేసుకుని, అతనితోనే జీవితాన్ని పంచుకోవాలని కలలు కన్నానని, కానీ అతను తన ప్రేమను దుర్వినియోగం చేశాడని అన్నారు. ఆ వ్యక్తి తన తండ్రి లేని లోటును అర్థం చేసుకోగలడని భావించి, అతడితో భావోద్వేగ అనుబంధాన్ని ఏర్పరచుకున్నానని ఇనయ తెలిపారు. తనను ఎంతగా ప్రేమించినప్పటికీ, ఆ వ్యక్తి తన క్రేజ్ వాడుకోవడానికి తనను ప్రేరేపించాడని, ఇది కేవలం మోసం, మానిప్యులేషన్ అని ఇప్పుడు అర్థమైందని ఆమె తెలిపింది.