Allu Arjun: ఇట్స్ అఫీషియల్.. క్రేజీ కాంబో రిపీట్.. నాలుగోసారి గురుజీతో ఐకాన్ స్టార్..

సినీ ఇండస్ట్రీలో కొన్ని కాంబినేషన్స్ ఎప్పుడు ఎవర్ గ్రీన్ గా ఉంటాయి. అభిమానులు కూడా అదే కాంబినేషన్ రిపీట్ కావాలని కోరుకుంటూ ఉంటారు. అలాంటి కంబోనే త్రివిక్రమ్ శ్రీనివాస్, అల్లు అర్జున్. ఈ క్రేజీ కాంబో నుంచి ఇప్పటికే మూడు సినిమాలు ప్రేక్షకుల ముందుకు వచ్చాయి. ఈ మూడు సినిమాలు సూపర్ హిట్ గా నిలిచాయి. ఈ ఇద్దరి కాంబినేషన్ లో వచ్చిన ఫస్ట్ మూవీ జులాయి. ఈ సినిమా సూపర్ హిట్ గా నిలిచింది. ఆ తర్వాత వచ్చిన సన్ ఆఫ్ సత్యమూర్తి, అల వైకుంఠపురంలో సినిమాలు ఎంతటి విజయం సాధించిందో ప్రత్యేకంగా చెప్పాల్సిన అవసరం లేదు. ఇక ఇప్పుడు ఈ ఇద్దరు కలిసి మరో సినిమా చేయబోతున్నారు. అల్లు అర్జున్ కెరీర్ లో 22 వ సినిమాను అఫీషియల్ గా అనౌన్స్ చేశారు.

హారిక అండ్ హాసిని, గీత ఆర్ట్స్ కలిసి ఈ సినిమాను నిర్మిస్తున్నారు. ఈసారి అంతకు మించి పెద్ద సినిమాతో రాబోతున్నాం అని తెలిపారు మేకర్స్. దాంతో అభిమానుల్లో ఆనందం రెట్టింపైంది. ఈ సినిమా ఎలా ఉండబోతుంది. ఈసారి అల్లు అర్జున్ ను త్రివిక్రమ్ ఎలా చూపిస్తారు అని అభిమానుల్లో ఆసక్తి నెలకొంది.

ఇక ప్రస్తుతం త్రివిక్రమ్ మహేష్ బాబుతో గుంటూరు కారం అనే సినిమా చేస్తున్నారు. యాక్షన్ ఎంటర్టైనర్ గా తెరకెక్కుతోన్న ఈ సినిమా షూటింగ్ శరవేగంగా జరుగుతోంది. సంక్రాంతికి ఈ మూవీ రిలీజ్ కానుంది. అటు అల్లు అర్జున్ పుష్ప 2తో బిజీగా ఉన్నాడు. సుకుమార్ తెరకెక్కిస్తున్న ఈ సినిమా పుష్ప కు కొనసాగింపుగా రానుంది.

The Dynamic duo reunite for the 4th time! 😍🌟

Icon StAAr @alluarjun & Our Darling director #Trivikram garu coming together for our #Production8 🤩

▶️ https://t.co/waj5E2VNOt

More Details Soon! 🔥#AlluAravind #SRadhaKrishna @haarikahassine @GeethaArts pic.twitter.com/Trd5To14h5

— Haarika & Hassine Creations (@haarikahassine) July 3, 2023