RRR: ఉక్రెయిన్‌‌‌లో షూటింగ్ జరుపుకుంటున్న ఆర్ఆర్ఆర్.. ఫోటో షేర్ చేసిన హాలీవుడ్ హీరోయిన్

RRR: దర్శక ధీరుడు రాజమౌళి ప్రతిష్టాత్మకంగా తెరకెక్కిస్తున్న సినిమా ఆర్ఆర్ఆర్. భారీ బడ్జెట్‌‌‌తో తెరకెక్కుతున్న ఈ సినిమాలో మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ కలిసి నటిస్తున్నారు. చరిత్రలో ఎన్నడూ కలవని ఇద్దరు వీరులను కలిపి ఈ సినిమాలో చూపించనున్నాడు జక్కన్న. ఈ సినిమాలో మన్యం వీరుడు అల్లూరిసీతారామరాజుగా రామ్ చరణ్, గిరిజన వీరుడు కొమురం భీమ్‌‌‌గా తారక్ కనిపించనున్నారు. ఈ సినిమా షూటింగ్ చివరి దశకు చేరుకుంది. ప్రస్తుతం ఉక్రెయిన్‌‌‌లో ఓ పాటను చిత్రీకరిస్తున్నారు. ఈ సినిమాలో చరణ్ సరసన ఆలియా భట్, ఎన్టీఆర్‌‌‌కు జోడీగా హాలీవుడ్ భామ ఒలీవియా మోరిస్‌‌‌ను ఎంపిక చేసిన సంగతి తెలిసిందే. ఉక్రెయిన్‌‌‌లో జరుగుతోన్న షూటింగ్‌‌‌‌లో ఒలీవియా పాల్గొంది. తారక్, ఒలీవియాల మధ్య ఓ పాటను చిత్రీకరిస్తున్నారు. దానికి సంబంధించిన ఓ ఫొటోను ఒలీవియా తన ఇన్‌‌‌‌స్టాగ్రామ్‌‌లో అభిమానులతో పంచుకుంది.

అలాగే షూటింగ్ గ్యాప్‌‌లో తారక్ చరణ్ చిల్ అవుతున్న చిన్నవీడియోను రిలీజ్ చేశారు చిత్రయూనిట్. తారక్-చరణ్ కబుర్లు చెప్పుకుంటుంటే ఎదురుగా డమ్మీ కెమెరాతో వారిని షూట్ చేస్తూ జక్కన్న కనిపించారు. ఇక ఈ సినిమాలో అజయ్ దేవ్‌‌గణ్ – శ్రియ – సముద్రఖని తదితరులు ఇతర కీలక పాత్రలు పోషిస్తున్నారు. రాజమౌళి తండ్రి విజయేంద్ర ప్రసాద్ ఈ చిత్రానికి కథ అందించగా.. సాయి మాధవ్ బుర్రా సంభాషణలు రాస్తున్నారు. ఎమ్.ఎమ్ కీరవాణి సంగీతం సమకూరుస్తున్నారు. డీవీవీ పార్వతి సమర్పణలో డీవీవీ ఎంటర్టైన్మెంట్స్ బ్యానర్ పై దానయ్య భారీ బడ్జెట్ తో ఈ చిత్రాన్ని నిర్మిస్తున్నారు.

. @AlwaysRamCharan @tarak9999 & @ssrajamouli chilling in-between shots!! ❤️ #RRRMovie pic.twitter.com/IoKTaiAQ9r

— RRR Movie (@RRRMovie) August 7, 2021

మరిన్ని ఇక్కడ చదవండి :

BIgg Boss 5: ఆ స్టార్‌ యాంకర్‌ బిగ్‌బాస్‌లోకి ఎంట్రీ ఇవ్వనున్నారా.? సాలిడ్‌ హింట్‌ ఇచ్చిన కో యాంకర్‌.

Nagarjuna: వైరల్ అవుతున్న నాగ్ నయా లుక్.. చైతూ- అఖిల్‌‌‌‌కు అన్నయ్యలా ఉన్నారుగా..

Prabhas’s Salaar : డార్లింగ్ అభిమానులకు అదిరిపోయే సర్‌‌‌‌‌‌‌‌‌‌‌‌ప్రైజ్‌‌‌ను ప్లాన్ చేస్తున్న సలార్ మేకర్స్.