Nikhil: పది లక్షలకు పైగా బిల్లులా ?.. వీటిని ఎవరు నియంత్రిస్తారు ? హస్పిటల్ బిల్లులపై హీరో నిఖిల్ ఆగ్రహం..
Nikhil Fires On Hospital Bills: చికిత్స పేరుతో పలు ఆసుపత్రులు ప్రజల నుంచి పెద్ద మొత్తంలో డబ్బులు వసూలు చేస్తున్నాయంటూ హీరో నిఖిల్ ఆవేదన వ్యక్తం చేశారు.
Nikhil Fires On Hospital Bills: చికిత్స పేరుతో పలు ఆసుపత్రులు ప్రజల నుంచి పెద్ద మొత్తంలో డబ్బులు వసూలు చేస్తున్నాయంటూ హీరో నిఖిల్ ఆవేదన వ్యక్తం చేశారు. ఏ సర్జరీ అయిన సరే… లక్షల్లో బిల్లులు కట్టించుకుంటున్నారని.. ఆసుపత్రి బిల్లులను ఉద్దేశిస్తూ.. ట్విట్టర్ లో ట్వీట్ చేశారు. “నేను చాలా మంది ఆసుపత్రి బిల్లులను పరిశీలించాను. అందులో ఎక్కువ మందికి బిల్లులు రూ.10 లక్షలకు మించి ఉన్నాయి. అాగే ఆసుపత్రి బిల్లులను కట్టడానికి మేము కొంతమందికి మా వంతు సాయం చేసాం. అయితే బిల్లులు వసూలు చేయడంలో ఆసుపత్రులు ఇష్టమొచ్చినట్లు వ్యవహరిస్తున్నాయి. సాధారణ సర్జరీకి కూడా మన స్థానిక ఆసుపత్రులు ఎందుకు ఇంత ఎక్కువ మొత్తాన్ని తీసుకుంటున్నాయి ? వీటిని ఎవరు నియంత్రించలేరా ?” అని ఆగ్రహం వ్యక్తం చేశారు.
ఇదిలా ఉంటే.. ఈ క్లిష్ట పరిస్థితులలో నిఖిల్ అవసరమైన వారికి తన వంతు సాయాన్ని అందిస్తున్నారు. తన టీమ్ తో కలిసి కరోనా బాధితులకు ఆర్థిక, నిత్యావసరాల సహాయం అందిస్తున్నారు. అలాగే సోషల్ మీడియా ద్వారా బెడ్స్, మందులు, ఏ ఇతర చికిత్స కోసం సాయం అడిగిన వారికి సాయాన్ని అందిస్తున్నారు. అలాగే తాజాగా ఓ ఫార్మా కంపెనీని సోషల్ మీడియా ద్వారా అప్రోచ్ అయిన నిఖిల్.. చీరాల, విశాఖపట్నంలో అవసరమైన వారికి ఇంజెక్షన్లు కూడా ఏర్పాటు చేశాడు. ఇలా దాదాపు రోజుకి 50 మందికి సహాయం అందిస్తున్నాడు నిఖిల్.
ట్వీట్..
Seeing a lot of Hospital Bills in Excess of 10 lakhs. Why r our local hospitals charging such huge amounts for Basic Operations? We wer helping with Paying a few Patients Bills nd realised tht the entire amount is going to ridiculously charging hospitals. Who is regulating them?
— Nikhil Siddhartha (@actor_Nikhil) June 6, 2021
