Tollywood: హోలీ సెలబ్రేషన్స్‌లో టాలీవుడ్ క్రేజీ హీరోయిన్.. ఎవరో గుర్తు పట్టారా? హ్యాట్రిక్ హిట్స్ కొట్టింది

2024లో హీరోయిన్ గా సినిమా ఇండస్ట్రీలోకి అడుగు పెట్టిందీ అందాల తార. ఇప్పటివరకు మొత్తం దాదాపు 6 సినిమాల్లో నటించి మెప్పించింది. ఇందులో హ్యాట్రిక్ హిట్స్ ఉండడం మరో విశేషం. ఇప్పుడు కూడా ఈ టాలీవుడ్ హీరోయిన్ చేతిలో పలు క్రేజీ ప్రాజెక్టులు ఉన్నాయి.

Tollywood Actress

Basha Shek |
Updated on: Mar 04, 2026 | 7:25 PM

దేశవ్యాప్తంగా హోలీ సంబరాలు అంబరాన్నంటుతున్నాయి. చిన్నా పెద్దా అనే తేడా లేకుండా అందరూ ఈ రంగుల పండగలో పాల్గొంటున్నారు. అలాగే సామాన్యులతో పాటు సెలబ్రిటీలు కూడా ఈ హోలీ వేడుకల్లో ఉత్సాహంగా పాల్గొన్నారు. ఒకరిపై ఒకరు రంగులు చల్లుకుంటూ పండగ శుభాకాంక్షలు తెలుపుకొన్నారు. ఆ తర్వాత తమ హోలీ సెలబ్రేషన్స్ కు సంబంధించిన ఫొటోలను సామాజిక మాధ్యమాల్లో పంచుకున్నారు. అలా సినిమా తారలు షేర్ చేసిన కొన్ని ఫొటోలు ఇప్పుడు నెట్టింట తెగ చక్కర్లు కొడుతున్నాయి. పై ఫొటో కూడా ఆ కోవలోదే. అందులో ఉన్నది టాలీవుడ్ క్రేజీ హీరోయిన్. అరంగేట్రం నుంచి ఇప్పటివరకు అన్నీ చిన్న సినిమాల్లోనే నటించినా సాలిడ్ హిట్స్ సొంతం చేసుకుంది. 2024లో హీరోయిన్ గా ఎంట్రీ ఇచ్చిన ఈ ముద్దుగుమ్మ ఇప్పటివరకు సుమారు అరడజనుకు పైగా సినిమాల్లో యాక్ట్ చేసింది. అందులో దాదాపు అన్నీ హిట్ సినిమాలే. అలాగే ఈ క్యూటీ ఖాతాలో హ్యాట్రిక్ హిట్స్ కూడా ఉన్నాయి. పేరుకు ముంబై హీరోయినే అయినా గలగలా తెలుగు మాట్లాడే ఈ బ్యూటీ మరెవరో కాదు నయన్ సారిక. అదేనండి.. లేటెస్ట్ గా శ్రీ విష్ణు ‘విష్ణు విన్యాసం’ సినిమాలో నటించిన హీరోయిన్.

సుమారు రెండేళ్ల క్రితం ఆనంద్ దేవరకొండ నటించిన ‘గం గం గణేశా’తో తెలుగు తెరకు పరిచయమైంది సారిక. ఆ తర్వాత ‘క’, ‘ఆయ్‌’ సినిమాలతో బ్యాక్ టు బ్యాక్ హిట్స్ అందుకుంది. అలాగే వృషభ అనే పాన్ ఇండియా మూవీలోనూ యాక్ట్ చేసింది సారిక. తన క్యూట్ యాక్టింగ్ తో తెలుగు ప్రేక్షకులకు బాగా చేరువైంది. ఇక తాజాగా ఈ బ్యూటీ నటించిన విష్ణు విన్యాసం సినిమా ఇటీవలే ప్రేక్షకుల ముందుకు వచ్చింది. గత వారం రిలీజైన ఈ సినిమా కూడా హిట్ టాక్ తో దూసుకెళుతోంది.

ఇవి కూడా చదవండి

హోలీ వేడుకల్లో నయన్ సారిక..

View this post on Instagram

A post shared by Nayan🇮🇳 (@nayansarika_05)

ఇక నయన్ సారిక చేతిలో ఇప్పుడు రెండు క్రేజీ ప్రాజెక్టులు ఉన్నాయి. అందులో రాకాస ఒకటి. సంతోష్ శోభన్ హీరోగా నటిస్తోన్న ఈ సినిమా షూటింగ్ ఇప్పటికే పూర్తయ్యింది. ఇప్పటికే విడుదలైన ట్రైలర్ మూవీపై అంచనాలు పెంచేసింది. దీంతో పాటు ఓ కన్నడ సినిమాలోనూ హీరోయిన్ గా యాక్ట్ చేస్తోంది నయన్ సారిక. సినిమాలతో పాటు సోషల్ మీడియాలోనూఈ బ్యూటీకి మంచి ఫ్యాన్ ఫాలోయింగ్ ఉంది. ఆమె షేర్ చేసే ఫొటోలు, వీడియోలకు నెటిజన్ల నుంచి మంచి స్పందన వస్తుంటుంది.