Tollywood: ఈ పాపను గుర్తు పట్టారా? జబర్దస్త్ టాప్‌ కమెడియన్.. ఇప్పుడు బిగ్ బాస్‌ తెలుగు టైటిల్ ఫేవరెట్

ఈ ఫొటోలో ఉన్న పాపను గుర్తు పట్టారా? ఈ పాప ఇప్పుడు టాలీవుడ్ లో బాగా ఫేమస్. ముఖ్యంగా బుల్లితెరపై ఆమెకు చాలా క్రేజ్ ఉంది.తన పంచులు, ప్రాసలు, కామెడీ టైమింగ్ కు చాలా మంది ఫ్యాన్స్ ఉన్నారు. ఈ పాపులారిటీతోనే బిగ్ బాస్ తెలుగు సీజన్ 8 టైటిల్‌ ఫేవరెట్ గా దూసుకెళుతోంది.

Tollywood Actress

Basha Shek |

Updated on: Nov 21, 2024 | 4:02 PM

బిగ్ బాస్ తెలుగు సీజన్ 8 రసవత్తరంగా సాగుతోంది. సెప్టెంబర్ 1న ప్రారంభమైన ఈ సెలబ్రిటీ రియాలిటీ షో దాదాపు ఎండింగ్ కు వచ్చేసింది. ఈ క్రమంలో ప్రస్తుతం బిగ్ బాస్ తెలుగు సీజన్ 8 టైటిల్ విన్నర్ ఎవరు? టాప్-5లో ఎవరెవరు ఉంటారన్న దానిపై సోషల్ మీడియాలో ఆసక్తికర చర్చ జరుగుతోంది. ఈ క్రమంలోనే బిగ్ బాస్ తాజా ఎపిసోడ్ లో ఫ్యామిలీ ఎపిసోడ్ నిర్వహించారు. ఈ సందర్భంగా హౌస్ లోని కంటెస్టెంట్స్ అందరి చిన్నప్పటి క్యూట్ ఫొటోలను చూపించారు. దాదాపు అందరి కంటెస్టెంట్ల చిన్ననాటి ఫొటోలను గుర్తు పట్టారు. అయితే పై ఫొటోలో ఉన్నదెవరో మాత్రం చాలామంది గుర్తు పట్టలేకపోయారు. మరి మీరైనా గుర్తు పట్టారా? ఆ క్యూటీ మరెవరో కాదు జబర్దస్త్ ఫేమ్ రౌడీ రోహిణి. ప్రస్తుతం ఈ ఫొటో సామాజిక మాధ్యమాల్లో బాగా వైరలవుతోంది. దీనిని చూసి నెటిజన్లు అప్పటికి, ఇప్పటికి రోహిణి చాలా మారిపోయిందని క్రేజీ కామెంట్స్ చేస్తున్నారు.

సీరియల్స్ తో సినిమా పరిశ్రమలోకి ఎంట్రీ ఇచ్చంది రోహిణి. ఇక జబర్దస్త్ తో ఆమె జాతకమే మారిపోయింది. ప్రస్తుతం టీవీ షోలతో సాటు పలు సినిమాల్లో లేడీ కమెడియన్ గా అలరిస్తోంది లేడీ కమెడియన్. ఇక సేవ్ ది టైగర్స్ వెబ్ సిరీస్ లో రోహిణీ కామెడీ అయితే నెక్ట్స్ లెవెల్ అని చెప్పుకోవచ్చు.

ఇవి కూడా చదవండి

బిగ్ బాస్ షో లో జబర్దస్త్ రోహిణి..

View this post on Instagram

A post shared by Rohini (@actressrohini)

కాగా గతంలో బిగ్‌బాస్‌ మూడో సీజన్‌లో కంటెస్టెంట్ గా అడుగు పెట్టింది రోహిణీ. హౌస్ లో ఉన్నన్నీ రోజులు ఆడియెన్స్ ను బాగానే ఎంటర్ టైన్ చేసింది. తన పంచులు, ప్రాసలతో కంటెస్టెంట్స్ తో పాటు ఆడియెన్స్ ను కడుపుబ్వా నవ్వించింది. ఫిజికల్ టాస్కుల్లోనూ చురుగ్గా పార్టిసిపేట్ చేసింది. కానీ బిగ్ బాస్ టైటిల్ మాత్రం గెలవలేకపోయింది. మూడో సీజన్ లో మెయిన్ కంటెస్టెంట్ గా అడుగు పెట్టిన రోహిణీ ఎనిమిదో సీజన్ లో మాత్రం వైల్డ్ కార్డ్ కంటెస్టెంట్ గా ఎంట్రీ ఇచ్చింది. ఎప్పటిలాగే తన ఆట, మాట తీరుతో ఆడియెన్స్ ను అలరిస్తోంది. రోహిణీ ఆట తీరు చూస్తుంటే కచ్చితంగా టాప్ -3 లో ఉంటుందంటున్నారు బిగ్ బాస్ ఫ్యాన్స్.