Tollywood: ఈ కుర్రాడిని గుర్తుపట్టారా ?.. ఒకప్పుడు సౌత్‏లో సూపర్ హీరో.. క్లాసికల్ డ్యాన్సర్..

తమిళం, తెలుగు, కన్నడ, హిందీ భాషలలో ఎన్నో హిట్ సినిమాల్లో కనిపించారు. ఇప్పుడు సహయ నటుడిగా రాణిస్తూనే.. సొంతంగా క్లాసికల్ డ్యాన్స్ శిక్షణ ఇస్తున్నారు. అతనే సీనియర్ హీరో వినీత్. బ్లాక్ బస్టర్ హిట్ ప్రేమదేశం సినిమాలో హీరోగా కనిపించారు. ఆ తర్వాత తెలుగులో పలు చిత్రాల్లో మెప్పించారు. వినీత్.. 1969 ఆగస్ట్ 23న తలస్సేరిలో జన్మించారు. ఆయన విద్యాభ్యాసం అంతా తలస్సేరిలోని సెయింట్ జోసెఫ్ బాలుర ఉన్నత పాఠశాలలో జరిగింది. చిన్నతనంలోనే భారతనాట్యం నేర్చుకున్న ఆయన..

Actor

Rajitha Chanti |
Updated on: Nov 02, 2023 | 7:03 PM

పైన ఫోటోలో కనిపిస్తోన్న ఆ కుర్రాడు ఒకప్పుడు సౌత్ ఇండస్ట్రీలో స్టార్ హీరో. ఎన్నో సూపర్ హిట్ చిత్రాల్లో నటించి నటుడిగా విమర్శకుల ప్రశంసలు అందుకున్నాడు. హీరోయిజం.. మాస్ యాక్షన్ సినిమాలు కాకుండా నృత్యం, ప్రేమకథ సినిమాల్లో నటించి మెప్పించాడు. నటుడిగానే కాకుండా క్లాసికల్ డ్యాన్సర్‏గానూ గుర్తింపు తెచ్చుకున్నాడు. తమిళం, తెలుగు, కన్నడ, హిందీ భాషలలో ఎన్నో హిట్ సినిమాల్లో కనిపించారు. ఇప్పుడు సహయ నటుడిగా రాణిస్తూనే.. సొంతంగా క్లాసికల్ డ్యాన్స్ శిక్షణ ఇస్తున్నారు. అతనే సీనియర్ హీరో వినీత్. బ్లాక్ బస్టర్ హిట్ ప్రేమదేశం సినిమాలో హీరోగా కనిపించారు. ఆ తర్వాత తెలుగులో పలు చిత్రాల్లో మెప్పించారు. వినీత్.. 1969 ఆగస్ట్ 23న తలస్సేరిలో జన్మించారు. ఆయన విద్యాభ్యాసం అంతా తలస్సేరిలోని సెయింట్ జోసెఫ్ బాలుర ఉన్నత పాఠశాలలో జరిగింది. చిన్నతనంలోనే భారతనాట్యం నేర్చుకున్న ఆయన.. పాఠశాల రోజుల్లోనే ఎన్నో బహుమతులు గెలుచుకున్నారు. రాష్ట్రస్థాయి స్కూల్ యూత్ ఫెస్టివల్‌లో భరతనాట్యం పోటీల్లో వరుసగా నాలుగుసార్లు ప్రథమ స్థానంలో నిలిచాడు. వినీత్ కళాత్మక మేధావి అనే బిరుదు కూడా అందుకున్నాడు.

1993లో జెంటిల్ మెన్, 1994లో సరిగమలు, ఆరో ప్రాణం వంటి చిత్రాల్లో నటించారు వినీత్. ఆ తర్వాత 1996లో వచ్చిన ప్రేమదేశం సినిమాతో వినీత్ క్రేజ్ మారిపోయింది. ఆ తర్వాత బ్యాక్ టూ బ్యాక్ చిత్రాలతో హీరోగా తనకంటూ ఓ గుర్తింపు సంపాదించుకున్నారు. చాలాకాలం సినిమాలకు దూరంగా ఉన్న వినీత్.. ఇప్పుడెప్పుడే రీఎంట్రీ ఇస్తున్నారు. మలయాళంలో వరుస సినిమాలు చేస్తున్న ఆయన.. తెలుగులో రంగ్ దే సినిమాతో మరోసారి అడియన్స్ ముందుకు వచ్చారు. కేవలం నటుడిగా.. డ్యాన్సర్ గానే కాకుండా.. డబ్బింగ్ ఆర్టిస్ట్ గాను గుర్తింపు తెచ్చుకున్నారు. లూసిఫర్, మరాకార్ చిత్రాలకు డబ్బింగ్ చెప్పినందుకు బెస్ట్ డబ్బింగ్ ఆర్టిస్ట్ అవార్డ్ అందుకున్నారు.

View this post on Instagram

A post shared by Vineeth Radhakrishnan (@vineeth_actor)

ప్రస్తుతం వినీత్ సినిమాలే కాకుండా వెబ్ సిరీస్ చేస్తున్నారు. మరోవైపు క్లాసికల్ డ్యాన్సర్‏గానూ కొనసాగుతున్నారు. ప్రస్తుతం ఆయనకు సంబంధించిన చిన్ననాటి ఫోటో నెట్టింట తెగ వైరలవుతుంది.