Godse Trailer : ‘అర్హత ఉన్నోడే అసెంబ్లీలో ఉండాలి. పద్దతి ఉన్నోడో పార్లమెంట్లో ఉండాలి’.. ఆకట్టుకుంటోన్న ‘గాడ్సే’ ట్రైలర్
వర్సటైల్ యాక్టర్ సత్యదేవ్ విభిన్నమైన కథలను ఎంచుకుంటూ సినిమాలు చేస్తూ ప్రేక్షకులను ఆకట్టుకున్నటున్నాడు. వైవిధ్యమైన సినిమాల్లో నటిస్తూ తనకంటూ స్పెషల్ ఇమేజ్ను క్రియేట్ చేసుకున్నాడు సత్యదేవ్.
Updated on: Jun 09, 2022 | 1:09 PM
వర్సటైల్ యాక్టర్ సత్యదేవ్( Satya dev) విభిన్నమైన కథలను ఎంచుకుంటూ సినిమాలు చేస్తూ ప్రేక్షకులను ఆకట్టుకున్నటున్నాడు. వైవిధ్యమైన సినిమాల్లో నటిస్తూ తనకంటూ స్పెషల్ ఇమేజ్ను క్రియేట్ చేసుకున్నాడు సత్యదేవ్. తాజాగా ఈ టాలెంట్ హీరో టైటిల్ పాత్రలో నటిస్తోన్న చిత్రం ‘గాడ్సే’(Godse). గోపి గణేష్ పట్టాభి ఈ సినిమాకు దర్శకత్వం వహిస్తున్నాడు. గతంలో వీరిద్దరి కాంబినేషన్లో ‘బ్లఫ్ మాస్టర్’ వంటి సూపర్ హిట్ మూవీ రూపొందిన సంగతి తెలిసిందే. మరోసారి ఈ హిట్ కాంబో కలిసి చేస్తోన్న గాడ్సే చిత్రంపై టైటిల్ అనౌన్స్మెంట్ నుంచి అంచనాలు నెలకొన్నాయి. సినిమాను ప్రపంచ వ్యాప్తంగా జూన్ 17న గ్రాండ్ రిలీజ్ చేస్తున్నారు. ఇప్పటికే విడుదలైన ఈ సినిమా పోస్టర్లు, పాటలు ప్రేక్షకులను ఆకట్టుకున్నాయి.
ఈ క్రమంలో గాడ్సే మూవీ ట్రైలర్ ను రిలీజ్ చేశారు. ‘సత్యమేవ జయతే అంటారు.. ‘ధర్మో రక్షితి రక్షత: అంటారు.. కానీ సమాజంలో సత్యం,ధర్మం ఎప్పుడు స్వయంగా గెలవట్లేదు’..అంటూ సత్యదేవ్ చెప్పే డైలాగ్ తో ట్రైలర్ ప్రారంభం అవుతుంది. ‘పథకాల రూపంలో కేంద్రం నుంచి వచ్చింది ఎంత? అప్పుల రూపంలో ప్రపంచ బ్యాంక్ నుంచి తెచ్చింది ఎంత? గ్రౌండ్ రియాలిటీలో ఖర్చు పెట్టింది ఎంత? సూట్ కేసు కంపెనీలకు తరలించినది ఎంత?’ ‘ప్రశ్నిస్తే… మారణకాండ చేసేస్తారా? అనే డైలాగ్ అలాగే ‘అర్హత ఉన్నోడే అసెంబ్లీలో ఉండాలి. పద్దతి ఉన్నోడో పార్లమెంట్లో ఉండాలి. మర్యాద ఉన్నోడే మేయర్ కావాలి.. సబ్జెక్ట్ ఉన్నో సర్పంచ్ కావాలి’, ‘సుజలాం సుఫలం మలయజ శీతలం’ అంటూ చివరలో సత్య దేవ్ చెప్పేడైలాగ్ చాలా పవర్ ఫుల్ గా ఉన్నాయి. ఈ సినిమాతో సత్య దేవ్ మరో హిట్ తన ఖాతాలో వేసుకోవడం ఖాయంగా కనిపిస్తుంది. సి.కె.స్క్రీన్స్ బ్యానర్పై సి.కళ్యాణ్ ఈ సినిమాను నిర్మించారు. ఈ సినిమాను డైరెక్ట్ చేయటంతో పాటు ఈ సినిమాకు కథ, స్క్రీన్ప్లే, మాటలను కూడా గోపి గణేష్ అందిస్తున్నారు. అవినీతిమయమైన రాజకీయ నాయకులను, వ్యవస్థను ఒంటి చేత్తో ఎదుర్కొనే ధైర్యవంతుడైన యువకుడి పాత్రలో సత్యదేవ్ కనిపించనున్నారు. ఐశ్వర్య లక్ష్మి ఇందులో ఇన్వెస్టిగేషన్ ఆఫీసర్గా కనిపించనుంది. బ్రహ్మాజీ ,సిజ్జూ మీనన్ తదితరులు ఇతర కీలక పాత్రల్లో నటిస్తున్నారు.
