Dulquer Salmaan: ‘బాలీవుడ్ స్టార్ హీరో చూసేందుకు అతని కారు వెంట పరిగెత్తాను’.. ఆసక్తికర విషయాలు చెప్పిన సీతారామం హీరో..

మలయాళీ స్టార్ హీరో దుల్కర్ సల్మాన్ (Dulquer Salmaan) తెలుగు ప్రేక్షకులకు సుపరిచితమే. సీతారామం సినిమాతో పాన్ ఇండియా స్టార్ అయ్యారు ఈ హీరో. డైరెక్టర్ హానురాఘవపూడి దర్శకత్వంలో దుల్కర్ సల్మాన్.. మృణాల్ ఠాకూర్ జంటగా నటించిన ఈ సినిమా బ్లాక్ బస్టర్ హిట్ అయ్యింది. అంతేకాకుండా తెలుగు ప్రేక్షకులనే కాదు.. నార్త్ ఆడియన్స్‏ను సైతం ఆకట్టుకుంది. ఇక ఇటీవలే చుప్ సినిమాతో ప్రేక్షకుల ముందుకు వచ్చాడు ఈ హీరో. ఈ సినిమాకు మిశ్రమ స్పందన వచ్చింది. ఈ సినిమా ప్రమోషన్లలో భాగంగా ఇటీవల ఓ ఇంటర్వ్యూలో పాల్గోన్న దుల్కర్ సల్మాన్.. తాను బాలీవుడ్ స్టార్ సల్మాన్ ఖాన్ వీరాభిమానని తెలిపారు. తాను టీనేజ్‏లో ఉన్న సమయంలో స్నేహితులతో కలిసి సల్మాన్ కారు వెంట పరిగెత్తామని తెలిపారు. తన అభిమాన నటుడు సల్మాన్ ఖాన్‏ను ఇప్పటివరకు కలవలేదు అని చెప్పుకొచ్చారు.

దుల్కర్ సల్మాన్ ప్రధాన పాత్రలో నటించిన చుపు.. ది రివెంజ్ ఆఫ్ ది ఆర్టిస్ట్ చిత్రం సెప్టెంబర్ 23న విడుదలైంది. ఈ సినిమా ప్రమోషన్లలో భాగంగా ఓ ఇంటర్వ్యూలో దుల్కర్ సల్మాన్ మాట్లాడుతూ.. ” నేను స్నేహితులతో కలిసి ఆలివ్ కు వెళ్లాను. మేము చాలా ఉత్సాహంగా ఎంజాయ్ చేశాము. అదే సమయంలో సల్మాన్ ఖాన్ వెళ్లడం గమనించాము. దీంతో అతని కారు వెంటపరిగెత్తాము. సల్మాన్ ఖాన్ కారు నుంచి ఎప్పుడు బయటకు వస్తాడా ? అని ఎదురుచూశాము. అనీ అతను రాలేదు. ఇప్పటివరకు నేను సల్మాన్ ఖాన్‏ను నేరుగా కలవలేదు” అంటూ చెప్పుకొచ్చాడు. చుప్ చిత్రంలో సన్నీ డియోల్, పూజా భట్, శ్రేయ ధన్వంతరి కీలకపాత్రలలో నటించారు.