Sampangi Movie: సంపంగి మూవీ హీరోయిన్ గుర్తుందా..? ఏమాత్రం తగ్గని అందం.. ఇప్పుడేం చేస్తుందంటే..
టాలీవుడ్ అడియన్స్ హృదయాల్లో చిరస్థాయిగా నిలిచిపోయే చిత్రాల్లో సంపంగి ఒకటి. ఇప్పటికీ ఈ సినిమాలోని సాంగ్స్ ఎక్కడో ఒకచోట వినిపిస్తూనే ఉంటాయి. ముఖ్యంగా 90's కుర్రాళ్లకు ఈ సినిమా హార్ట్ ఫేవరేట్ అనే చెప్పాలి. ఈ మూవీలోని ప్రతి సాంగ్ సూపర్ హిట్. 2001లో విడుదలైన ఈ సినిమా మంచి విజయాన్ని అందుకుంది.
టాలీవుడ్ అడియన్స్ హృదయాల్లో చిరస్థాయిగా నిలిచిపోయే చిత్రాల్లో సంపంగి ఒకటి. ఇప్పటికీ ఈ సినిమాలోని సాంగ్స్ ఎక్కడో ఒకచోట వినిపిస్తూనే ఉంటాయి. ముఖ్యంగా 90’s కుర్రాళ్లకు ఈ సినిమా హార్ట్ ఫేవరేట్ అనే చెప్పాలి. ఈ మూవీలోని ప్రతి సాంగ్ సూపర్ హిట్. 2001లో విడుదలైన ఈ సినిమా మంచి విజయాన్ని అందుకుంది. అంతేకాకుండా అప్పట్లో భారీ వసూళ్లు రాబట్టింది. హిందూ, ముస్లీం కుటుంబాలకు చెందిన అమ్మాయి, అబ్బాయి ప్రేమలో పడితే ఎలాంటి పరిస్థితులు ఎదుర్కొవాల్సి వస్తుంది.. ? ప్రాణ స్నేహితులుగా ఉన్న రెండు కుటుంబాల్లో వీరిద్దరి ప్రేమ ఎలాంటి పరిస్థితులకు దారితీసింది ? అనే అంశాలను ఆధారంగా చేసుకుని ఈ చిత్రాన్ని రూపొందించారు. డైరెక్టర్ సనా యాదిరెడ్డి దర్శకత్వం వహించిన ఈ ప్రేమకథలో దీపక్ హీరోగా నటించగా.. కంచి కౌల్ కథానాయికగా నటించింది. అలాగే ఈ సినిమాలో చంద్రమోహన్, చలపతిరావు, సన, శివాజీ రాజా, రంగనాథ్ కీలకపాత్రలు పోషించారు.
మొదటి సినిమాతోనే తెలుగు అడియన్స్ హృదయాలను గెలుచుకుంది హీరోయిన్ కంచి కౌల్. సంపంగి సినిమాలో ఈ అమ్మడి అందానికి, నటనకు తెలుగు అడియన్స్ ఫిదా అయ్యారు. ఆ తర్వాత ఫ్యామిలీ సర్కస్, ఇది మా అశోక్ గాడి లవ్ స్టోరీ, శివరామరాజు సినిమాల్లో నటించింది. కానీ ఈ బ్యూటీకి సంపంగి సినిమా తర్వాత సరైన క్రేజ్ రాలేదు. ఆ తర్వాత తెలుగులో అవకాశాలు కూడా తగ్గిపోయాయి. దీంతో బాలీవుడ్ షిఫ్ట్ అయిన ఈ బ్యూటీ.. అక్కడ వరుస సినిమాలతోపాటు బుల్లితెరపై పలు సీరియల్స్ చేసింది. 2005లో ఏక్ లడ్కీ అంజనీ సి టీవీ షాలో కనిపించింది. పెళ్లి తర్వాత సినిమాలకు దూరంగా ఉన్న ఈ అమ్మడు.. ఇప్పుడు నెట్టింట చాలా యాక్టివ్ అయ్యింది.
ప్రస్తుతం సోషల్ మీడియాలో తన భర్త, పిల్లలతో కలిసి దిగిన ఫోటోలను, వీడియోలను తెగ షేర్ చేస్తుంది. తాజాగా హీరోయిన్ కంచి కౌల్ ను చూసి నెటిజన్స్ షాకవుతున్నారు. ఇన్నాళ్లు సైలెంట్ అయిన సంపంగి హీరోయిన్ ను ఇప్పుడు చూసి ఆశ్చర్యపోతున్నారు. ఆ సినిమాలో ఎంతో పద్దతిగా కనిపించిన ఈ హీరోయిన్ ఇప్పుడు మాత్రం గ్లామర్ ఫోటోలతో రచ్చ చేస్తుంది. ఒకప్పుడు కాస్త బొద్దుగా కనిపించిన ఆమె ఇప్పుడు మరింత అందంగా మారిపోయిందని కామెంట్స్ చేస్తున్నారు. 2011లో టీవీ నటుడు షబ్బీర్ అహ్లువాలియాను వివాహం చేసుకుంది కంచికౌల్. వీరికి ఇద్దరు కుమారులు.
మరిన్ని సినిమా వార్తల కోసం ఇక్కడ క్లిక్ చేయండి.