Tollywood: దేవరలో సైఫ్ వైఫ్‌గా నటించింది ఎవరో తెల్సా.. బుల్లితెరపై తెగ ఫేమస్.. తిరుగులేదంతే
ఎన్టీఆర్ డ్యుయల్ రోల్‌లో దర్శకుడు కొరటాల శివ తెరకెక్కించిన చిత్రం 'దేవర'. ఈ చిత్రంలో జాన్వీ కపూర్, శృతి మరాఠీ హీరోయిన్లుగా.. సైఫ్ ఆలీఖాన్ ప్రతినాయకుడిగా నటించారు. శుక్రవారం విడుదలైన ఈ చిత్రం.. ప్రీమియర్ షో నుంచి హిట్ టాక్‌తో దూసుకుపోతోంది. ఇదిలా ఉంటే..
Updated on: Sep 27, 2024 | 6:37 PM
ఎన్టీఆర్ డ్యుయల్ రోల్‌లో దర్శకుడు కొరటాల శివ తెరకెక్కించిన చిత్రం ‘దేవర’. ఈ చిత్రంలో జాన్వీ కపూర్, శృతి మరాఠీ హీరోయిన్లుగా.. సైఫ్ ఆలీఖాన్ ప్రతినాయకుడిగా నటించారు. శుక్రవారం విడుదలైన ఈ చిత్రం.. ప్రీమియర్ షో నుంచి హిట్ టాక్‌తో దూసుకుపోతోంది. ఇదిలా ఉంటే.. ఈ చిత్రంలో సైఫ్ ఆలీఖాన్ వైఫ్‌గా నటించింది ఎవరో తెల్సా.? ఆమె మరెవరో కాదు కన్నడ, తెలుగు భాషల్లోని బుల్లితెరపై తెగ ఫేమస్ అయింది ఈ అందాల భామ. ఈ మూవీతో అమ్మడి క్రేజ్ పెరిగితే.. స్మాల్ స్క్రీన్‌కి స్వస్తి చెప్పి.. సిల్వర్ స్క్రీన్‌పై ఫిక్స్ అయిపోవడం ఖాయం. మరి ఆమె ఎవరని అనుకుంటున్నారా.?
ఆమె మరెవరో కాదు.. చైత్ర రాయ్. ‘అష్టా చమ్మా’ సీరియల్‌తో తెలుగు బుల్లితెరకి పరిచయమైంది చైత్ర రాయ్. ప్రస్తుతం ‘రాధకు నీవేరా ప్రాణం’ అనే సీరియల్‌లో నటిస్తోంది. కన్నడ సీరియళ్లతో కెరీర్ ప్రారంభించిన చైత్రకు.. తెలుగు సీరియల్స్ మంచి ఫాలోయింగ్ సంపాదించి పెట్టాయి. ‘అష్టాచమ్మా’ తర్వాత ‘దటీజ్ మహాలక్ష్మీ’, ‘అత్తారింట్లో అక్కాచెల్లెళ్లు’ లాంటి సీరియల్స్‌లో తన నటనతో మంచి గుర్తింపు తెచ్చుకోవడమే కాకుండా.. తెలుగు ప్రేక్షకులకు మరింత చేరువైంది. ఇక సోషల్ మీడియాలో ఎల్లప్పుడూ యాక్టివ్‌గా ఉండే చైత్ర.. ఎప్పటికప్పుడు లేటెస్ట్ ఫోటోలను పోస్ట్ చేస్తూ ఫ్యాన్స్‌ను అలరిస్తుంటుంది. సీరియల్స్‌లోకి ఎంట్రీ ఇచ్చినప్పుడు ఎలా ఉందో.. ఇప్పటికీ చైత్ర లుక్‌లో ఎలాంటి మార్పురాలేదు.
View this post on Instagram
ఎన్టీఆర్, సైఫ్ లాంటి స్టార్లను స్క్రీన్‌పై చూడటమే తప్ప.. నేరుగా కలిసిందే లేదని.. అలాంటిది వాళ్లతో కలిసి నటించే అవకాశం వచ్చిందంటే ఇంతకన్నా అదృష్టం ఏముంటుందంటూ.. మొదటిసారి సెట్స్‌లో తారక్, సైఫ్‌ని చూసి చాలా ఎగ్జైట్ అయ్యానని.. ఇప్పటికీ మేఘాల్లో తేలినట్టుందని.. దేవరలో ఛాన్స్ వచ్చిన కొత్తలో చైత్ర ఇచ్చిన ఓ ఇంటర్వ్యూ ప్రస్తుతం సోషల్ మీడియాలో వైరల్ అవుతోంది.
ఇది చదవండి: దేవర మూవీలో ఎన్టీఆర్ భార్యగా నటించిన ఈ హీరోయిన్ ఎవరో తెల్సా.. అస్సలు ఊహించి ఉండరు
మరిన్ని సినిమా వార్తల కోసం ఇక్కడ క్లిక్ చేయండి
