Desamuduru: బ్లాక్ బస్టర్ దేశ ముదురు మూవీని మిస్ చేసుకున్న హీరో ఎవరో తెలుసా..?

ఐకాన్ స్టార్ అల్లు అర్జున్ నటించిన యాక్షన్ ఎంటర్టైనర్ మూవీస్ లో దేశముదురు సినిమా గురించి ప్రత్యేకంగా చెప్పాల్సిన అవసరం లేదు. డైనమిక్ డైరెక్టర్ పూరిజగన్నాథ్ దర్శకత్వంలో వచ్చిన ఈ సినిమా భారీ విజయాన్ని అందుకుంది. ఈ మూవీలో బన్నీ స్టైల్, యాటిట్యూడ్ ప్రేక్షకులను విపరీతంగా ఆకట్టుకున్నాయి. ఈ సినిమాతో హీరోయిన్ గా పరిచయం అయ్యింది హన్సిక మోత్వానీ. ఈ సినిమాలో హన్సిక అందానికి, క్యూట్ నెస్ కు ప్రేక్షకులంతా ఫిదా అయ్యారు. 2007లో వచ్చిన ఈ సినిమా మంచి విజయాన్ని అందుకుంది. 2007న 400 థియేటర్లలో విడుదలై భారీగా వసూల్ లు రాబట్టింది దేశముదురు. ఇక దేశముదురు సినిమాలో సీనియర్ హీరోయిన్ రంభ స్పెషల్ సాంగ్ లో మెప్పించారు. అల్లు అర్జున్ ఈ మూవీలో సిక్స్ ప్యాక్ తో అదరగొట్టాడు.

దేశముదురు సినిమాకు చక్రి అందించిన సంగీతం సినిమాను వన్ ఆఫ్ ది హైలైట్ గా నిలిచింది. అలాగే డైరెక్టర్ పూరిజగన్నాథ్ మార్క్ డైలాగ్స్ ప్రేక్షకుల చేత విజిల్స్ కొట్టించాయి ఇక ఈ సినిమాలో ముందుగా అల్లు అర్జున్ ను హీరోగా అనుకోలేదట.

డైరెక్టర్ పూరీ ముందుగా ఈ సినిమా కథను అల్లు అర్జున్ కోసం రాసుకోలేదట. అల్లు అర్జున్ కంటే ముందు ఈ కథను అక్కినేని హీరో సుమంత్ కోసం రాశారట. అయితే ఈ కథను విన్న తర్వాత సుమంత్ కు నచ్చలేదట. దాంతో ఆయన సున్నితంగా తిరస్కరించారట. ఆ తర్వాత అదే కథను అల్లు అర్జున్ కు చెప్పగానే ఓకే చెప్పారట. అలా దేశముదురు సినిమా చేసి బ్లాక్ బస్టర్ హిట్ అందుకున్నారు అల్లు అర్జున్.