Uday Kiran: రాజమౌళితో ఉదయ్ కిరణ్ మిస్ అయిన బ్లాక్ బస్టర్‌ .. ఈమూవీ చేసి ఉంటే కెరీర్ మరోలా ఉండేదేమో!

సినిమా ఇండస్ట్రీలో ఉదయ్ కిరణ్ ఓ ధ్రువతారలా వెలిగాడు. మొదటి సినిమా చిత్రంతోనే సూపర్ హిట్ సొంతం చేసుకున్నాడు. యూత్ లో మంచి క్రేజ్ సొంతం చేసుకున్నాడు. ఆపై నువ్వు నేను సినిమా తో ఏకంగా బ్లాక్ బస్టర్ కొట్టాడు. అంతేకాదు ఈ సినిమా ఉదయ్ స్టార్ డమ్ ను అమాంతం పెంచేసింది. ఆ తర్వాత వచ్చిన మనసంతా నువ్వే కూడా బ్లాక్ బస్టర్ హిట్ గా నిలిచింది. దీంతో ఉదయ్ కిరణ్ పేరు టాలీవుడ్ లో మార్మోగిపోయింది. ఇక తెలుగు సినిమా ఇండస్ట్రీలో ఉదయ్ కిరణ్‌కు తిరుగుండదనుకున్నారు. స్టార్ హీరో రేంజ్ కు వెళ్లిపోతాడని అనుకున్నారు. కానీ.. అక్కడే విధి ఉదయ్ కిరణ్ ను చిన్న చూపు చూసింది. అనూహ్యంగా వరుస ఫ్లాప్ లు ఉదయ కిరణ్ ను కెరీర్ ను ప్రశ్నార్థకం చేశాయి. ఎన్ని సినిమాలు చేసినా తాను కోరుకున్న విజయం దక్కలేదు. మార్కెట్ కూడా బాగా పడిపోయింది. అవకాశాలు కూడా తగ్గడంతో మనస్థాపానికి గురయ్యాడు ఉదయ్. మానసిక క్షోభకు గురై ఆత్మహత్య చేసుకొని శాశ్వతంగా ఈ లోకం నుంచి వెళ్లిపోయాడు.

సినిమా ఇండస్ట్రీలో ఎంత వేగంగా ఎదిగాడో అంతే వేగంగా డౌన్ ఫాల్ అయ్యాడు ఉదయ్ కిరణ్. ఇందుకు తన స్వీయ తప్పిదాలు కూడా ఒక కారణమని తెలుస్తోంది. కాగా ఉదయ్ కిరణ్.. తన కెరీర్‌లో చాలా బ్లాక్ బస్టర్‌లు మిస్ చేసుకున్నాడని అప్పుడప్పుడు వార్తలు వినిపిస్తుంటాయి. అందులో దర్శక ధీరుడు రాజమౌళి సినిమా కూడా ఉందట. అప్పటికే యూత్ లో బాగా గుర్తింపు తెచ్చుకున్న ఉదయ్ కిరణ్‌తో రాజమౌళి కూడా ఒక సినిమాను ప్లాన్ చేశాడట. ఎన్టీఆర్ తో ‘స్టూడెంట్ నెంబర్ 1’ సినిమా తెరకెక్కిస్తోన్న సమయంలోనే స్టోరీ కూడా రాసుకున్నాడట. అయితే ఏమైందో తెలియదు కానీ ఉదయ్ కిరణ్ ప్లేసులో నితిన్ ను తీసుకున్నారట. ఆ సినిమా ఏదో ప్రత్యేకంగా చెప్పక్కర్లేదనుకుంటా. యస్. అదే సై సినిమా.

సై సినిమా గనక నితిన్ కు బదులు ఉదయ్ కిరణ్‌కు పడుంటే.. తన కెరీర్ వేరేలా ఉండేదని ఈ విషయం తెలుసుకున్న నెటిజన్లు భావిస్తున్నారు.

ఇవి కూడా చదవండి

టీఎఫ్‌డీసీ ఛైర్మన్‌గా బాధ్యతలు స్వీకరించిన దిల్ రాజు

'5-10 మంది పిల్లలనైనా కనాలనుంది'.. టాలీవుడ్ హీరోయిన్ సంచలన ప్రకటన

గేమ్ ఛేంజర్ నుంచి మరో క్రేజీ అప్‌డేట్.. ధోప్ సాంగ్ ప్రొమో చూశారా?

అశ్విన్ లాగే ఫేర్‌వెల్ మ్యాచ్ ఆడని టీమిండియా క్రికెటర్లు వీరే..

మరిన్ని సినిమా వార్తల కోసం ఇక్కడ క్లిక్ చేయండి.