SS Rajamouli: మీ అభిమానికి పొంగిపోయాను.. టెస్లా కార్స్ వీడియోపై రాజమౌళి రియాక్షన్..

Rajamouli

ఆస్కార్ అవార్డ్ సొంతం చేసుకుని హిస్టరీ క్రియేట్ చేసింది ఆర్ఆర్ఆర్. దర్శకుడు రాజమౌళి తెరకెక్కించిన ఈ సినిమా సృష్టించిన సెన్సేషన్ గురించి చెప్పక్కర్లేదు. విశ్వవేదికపై గోల్డెన్ గ్లోబ్, హాలీవుడ్ ఫిల్మ్ క్రిటిక్స్ ఛాయిస్ అవార్డ్స్ సొంతం చేసుకోవడమే కాకుండా..ఈ చిత్రంలోని నాటు నాటు సాంగ్ బెస్ట్ ఒరిజినల్ సాంగ్ కేటగిరిలో గెలిచిన ఆస్కార్ కైవసం చేసుకుని భారతీయ సినిమా చరిత్రలో నిలిచింది. ఇందులో నాటు నాటు సాంగ్ ప్రపంచవ్యాప్తంగా సినీ ప్రియులను ఓ ఊపు ఊపేస్తోంది. ఈ పాటకు చిన్న, పెద్దా అనే తేడా లేకుండా స్టెప్పులేస్తున్నారు. తాజాగా న్యూజెర్సీలో టెస్లా కార్లతో ఆర్ఆర్ఆర్ చిత్రం కోసం ప్రదర్శించిన ఓ స్పెషల్ వీడియో నెట్టింట వైరలయ్యింది. ఈ వీడియో చూసిన రాజమౌళి స్పందిస్తూ.. అద్భుతమంటూ కొనియాడారు.

“న్యూజెర్సీ నుంచి నాటు నాటు పాటకు మీరు చూపిన అభిమానానికి నిజంగా పొంగిపోయాను. మీ అందరికీ ధన్యావాదాలు. ఇంతటి అద్భుతమైన వీడియోను ప్రదర్శించిన ప్రతి ఒక్కరికీ నా ప్రత్యేక కృతజ్ఞతలు. నాటు నాటు పాటకు టెస్లా కార్లతో లైట్ షో ఒక అద్భఉతమైన అనుభూతి” అంటూ పోస్ట్ చేశారు జక్కన్న.

ప్రస్తుతం రాజమౌళి తన తదుపరి ప్రాజెక్ట్ పై ఫోకస్ పెట్టారు. సూపర్ స్టార్ మహేష్ బాబుతో కలిసి జక్కన్న భారీ అడ్వెంచర్ చిత్రం చేయబోతున్నట్లుగా తెలుస్తోంది. ఇప్పటికే ఈ సినిమా గురించి పలు ఇంటర్వ్యూలలో స్పందించారు జక్కన్న. త్వరలోనే వీరిద్దరి కాంబో షూరు కాబోతున్నట్లుగా తెలుస్తోంది.

మరిన్ని సినిమా వార్తల కోసం ఇక్కడ క్లిక్ చేయండి.