Cinema : వణుకుపుట్టించే సీన్స్.. అయినా ఒక్క రోజే 20 కోట్ల కలెక్షన్స్.. థియేటర్లలో సంచలనం సృష్టిస్తున్న సినిమా..

ప్రస్తుతం ఒక సినిమా పేరు అంతటా వినిపిస్తుంది. కేవలం భారతదేశంలోనే కాకుండా ప్రపంచవ్యాప్తంగా ఈ మూవీ క్రేజ్ కనిపిస్తుంది. విడుదలకు ముందు నుంచే భారీ అంచనాలు సొంతం చేసుకున్న ఈ సినిమాను చూసేందుకు జనాలు హాళ్లకు పోటెత్తారు. ఇప్పుడు ఈ చిత్రంలోని సన్నివేశాల గురించి చర్చ జరుగుతుంది. . చాలామంది సోషల్ మీడియా ద్వారా తమ స్పందనలను కూడా తెలియజేశారు. ఇప్పుడు ఈ సినిమా పేరు సోషల్ మీడియాలో తెగ వినిపిస్తుంది.

The Odyssey Movie

Rajitha Chanti |
Updated on: Jul 18, 2026 | 3:41 PM

ప్రస్తుతం భారతదేశంలోనే కాకుండా మొత్తం ప్రపంచవ్యాప్తంగా ఒక సినిమా పేరు మారుమోగుతుంది. విడుదలకు ముందు నుంచే ఓ రేంజ్ హైప్ క్రియేట్ చేసుకున్న ఈ మూవీ ఇప్పుడు ఎట్టకేలకు అడియన్స్ ముందుకు వచ్చింది. అదే ది ఒడిస్సీ. క్రిస్టోఫర్ నోలన్ దర్శకత్వం వహించిన ఈ మూవీ జూలై 17న రిలీజ్ అయ్యింది. భారతదేశంలోనే కాకుండా ప్రపంచవ్యాప్తంగా కూడా ఈ చిత్రం ప్రీమియర్ ప్రదర్శన జరుపుకుని, ‘ది ఒడిస్సీ’ని వెండితెరపై విడుదల చేశారు. ప్రాచీన గ్రీకు కవి హోమర్ రచించిన ఇతిహాస కావ్యం ఆధారంగా ఈ చిత్రాన్ని తెరకెక్కించారు క్రిస్టోఫర్. ఈ చిత్రంలో మాట్ డామన్ ఒడిస్సియస్ పాత్రలో నటించగా, టామ్ హాలండ్, యాన్ హాత్వే, జెండయా, చార్లీజ్ థెరాన్ వంటి ప్రముఖ నటులు ముఖ్య పాత్రలలో కనిపించారు. ప్రస్తుతం ఈ సినిమాకు ఊహించని రెస్పాన్స్ వస్తుంది. ఈ సినిమా ఆద్యంతం కట్టిపడేస్తుంది.

ఎక్కువ మంది చదివినవి : Pawan Kalyan : కాలినడకన తిరుమలకు పవన్ కళ్యాణ్ సతీమణి.. పవర్ స్టార్ ఆరోగ్యం కోసం అలిపిరి మెట్లెక్కిన అన్నా..

మానవ స్వభావం, ఒడిస్సియస్ మధ్య ఉన్న లోపాలను ఈ మూవీ చూపిస్తుందని అంటున్నారు అడియన్స్. నోలన్ ఈ కథను చాలా ప్రభావవంతంగా తెరకెక్కించారు. ఇది ఉత్కంఠభరితమైన కలవరపరిచే కథ, ఇది ముందుకు సాగే కొద్దీ మరింత భావోద్వేగభరితంగా మారుతుంది. అంటూ సినిమాపై తమ అభిప్రాయాలను తెలియజేస్తున్నారు. ది ఒడిస్సీ చిత్రం మనం ఊహించినదాని కంటే ఎక్కువగా ఉందని.. సీన్స్, ట్విస్టులు ఆద్యంతం కట్టిపడేస్తున్నాయని అంటున్నారు.

ఎక్కువ మంది చదివినవి : Cinema : 6 కోట్లతో తీస్తే రూ.16 కోట్ల కలెక్షన్స్.. థియేటర్లలో దుమ్మురేపుతున్న చిన్న సినిమా..

‘ది ఒడిస్సీ’ చిత్రం భారతదేశంలో విడుదలైన మొదటి రోజున రూ. 17.40 కోట్లు వసూలు చేసింది. ఈ చిత్రంలో అత్యధిక వసూళ్లు ఆంగ్లంలోనే నమోదయ్యాయి. హిందీ భాషలో, ఈ చిత్రం మొదటి రోజున రూ. 1.90 కోట్లు వసూలు చేసింది. భారతదేశంలో ఈ చిత్రం మొత్తం వసూళ్లు రూ. 20.76 కోట్లకు చేరుకున్నాయి. ప్రస్తుతం ఈ సినిమా థియేటర్లలో దూసుకుపోతుంది.