Agent: ‘ఏజెంట్’ తర్వాత అఖిల్ చేయబోయేది ఆ దర్శకుడితోనేనట..! అతడెవరో తెలుసా.?

'అయ్యగారే నెంబర్ 1'.. 'అయ్యగారే ఫస్టు'.. అఖిల్ అక్కినేనికి ఫ్యాన్స్‌లో మంచి క్రేజ్ ఉన్న సంగతి తెలిసిందే. 'అఖిల్' సినిమాతో హీరోగా అరంగేట్రం చేసిన ఈ అక్కినేని నటవారసుడు..

Akhil

Ravi Kiran |
Updated on: May 04, 2023 | 11:39 AM

‘అయ్యగారే నెంబర్ 1’.. ‘అయ్యగారే ఫస్టు’.. అఖిల్ అక్కినేనికి ఫ్యాన్స్‌లో మంచి క్రేజ్ ఉన్న సంగతి తెలిసిందే. ‘అఖిల్’ సినిమాతో హీరోగా అరంగేట్రం చేసిన ఈ అక్కినేని నటవారసుడు.. తన నటన, లుక్స్, డ్యాన్స్ పరంగా మంచి మార్కులు దక్కించుకున్నాడు. కానీ అఖిల్‌కి మాత్రం ఇప్పటివరకు ‘మోస్ట్ ఎలిజిబుల్ బ్యాచలర్’ తప్ప.. ఆ రేంజ్‌లో మూవీ మరొకటి రాలేదు. ఇక ఎలాగైనా సూపర్ హిట్ దక్కించుకోవాలన్న కసితో అఖిల్ రెండేళ్లు కష్టపడి చేసిన సినిమా ‘ఏజెంట్’. ఇటీవల విడుదలైన ఈ చిత్రం మొదటి ఆట నుంచి డిజాస్టర్ టాక్ తెచ్చుకుంది. బాడీ ట్రాన్స్‌ఫార్మేషన్, లుక్స్ పరంగా అఖిల్‌కు మంచి మార్కులు దక్కినా.. సినిమా మాత్రం కమర్షియల్‌గా సక్సెస్ సాధించలేకపోయింది.

ఇదిలా ఉంటే.. అఖిల్ తన తర్వాతి ప్రాజెక్ట్ ఏ దర్శకుడితో చేస్తారన్న దానిపై తాజాగా ఓ కీలక అప్‌డేట్ వచ్చింది. ఈ అక్కినేని వారసుడు తన తర్వాతి సినిమాను స్టార్ డైరెక్టర్ వంశీ పైడిపల్లితో చేస్తారన్నది ఫిల్మ్ నగర్‌లో చక్కర్లు కొడుతోన్న సమాచారం. అయితే దీనిపై త్వరలోనే అధికారిక ప్రకటన రావాల్సి ఉంది. ఒకవేళ ఈ కాంబినేషన్ గనుక వర్క్‌ఔట్ అయ్యి.. ప్రాజెక్ట్ పట్టాలెక్కితే.. సినిమాపై భారీ అంచనాలు ఉండొచ్చు. కాగా, వంశీ పైడిపల్లి ఇటీవల దళపతి విజయ్‌తో కలిసి ‘వారసుడు’ సినిమా తీసి సూపర్ హిట్ దక్కించుకున్న విషయం విదితమే.