Dhanush Sir Movie : హీరోలు అక్కడివారైనా.. రికార్డులు మాత్రం మన దగ్గరే.. సూపర్ హిట్‌గా నిలిచిన ధనుష్ సార్

తమిళ్ సినిమా హీరోలకు తెలుగులో రోజు రోజుకు మార్కెట్ పొరుగుతోంది. అటు తమిళ నాట కూడా మంద దర్శకులు తెరకెక్కిస్తున్న సినిమాలకు క్రేజ్ పెరుగుతోంది. ఇప్పటికే అక్కడి స్టార్ హీరోలు మన దర్శకులతో సినిమాలు చేసిన విషయం తెలిసిందే. అయితే ఈ హీరోలు మన దర్శకులతో సినిమాలు చేస్తున్నప్పటికీ ఆ సినిమాలు రెండు భాషల్లో ఒకేసారి విడుదలవుతున్నాయి. అయితే వీటికి తమిళ్ కంటే తెలుగులోనే ఎక్కువ క్రేజ్ దక్కుతోంది. అవ్వడానికి తమిళ్ హీరోలైనా సినిమాకు రికార్డు స్థాయి ఓపినింగ్స్ మాత్రం మన దగ్గరే జరుగుతోంది. గతంలో వచ్చిన  శివ కార్తికేయన్ సినిమాకు కూడా అంతే.. జాతి రత్నాలు దర్శకుడు అనుదీప్ దర్శకత్వంలో శివ కార్తికేయన్ నటించిన సినిమా ప్రిన్స్.

ప్రిన్స్ సినిమా కంప్లీట్ కామెడీ ఎంటర్టైనర్ గా తెరకెక్కిన విషయం తెలిసిందే. ఈ సినిమాకు తమిళ్ కంటే తెలుగులోనే మంచి బజ్ క్రియేట్ అయ్యింది. అలాగే ఓపినింగ్స్ కూడా మన దగ్గరే బాగా వచ్చాయి. అలాగే ఇప్పుడు ధనుష్ నటించిన సార్ సినిమాకు కూడా..

టాలీవుడ్ డైరెక్టర్ వెంకీ అట్లూరి దర్శకత్వంలో ధనుష్ నటించిన సినిమా సార్. ఈ సినిమా శుక్రవారం ప్రేక్షకుల ముందుకు వచ్చింది. ఈ సినిమా సూపర్ హిట్ టాక్ తెచ్చుకుంది. ప్రైవేట్ స్కూల్స్, కాలేజీలను నిలదీస్తూ.. విద్యావిలువను చెప్పిన ఈ సినిమాకు ప్రేక్షకుల హిట్ టాక్ అందించారు. ఇక ఈ సినిమా కూడా తెలుగులో భారీ ఒపింగ్స్ అందుకుంది. తమిళ్ కంటే తెలుగులోనే ఈ సినిమాకు విపరీతమైన క్రేజ్ దక్కింది. ఇక తొలి రోజే సూపర్ హిట్ అందుకున్న సార్ మూవీ ఇంకెన్ని రికార్డ్స్ క్రియేట్ చేస్తుందో చూడాలి.