రీఎంట్రీపై సమీరా రెడ్డి క్లారిటీ !

సినిమాల్లోకి రీ ఎంట్రీ ఇవ్వడం గురించి అస్సలు ఆలోచించడం లేదని ప్రముఖ నటి సమీరా రెడ్డి స్పష్టం చేసింది. దీంతో గత కొద్ది రోజులుగా వస్తోన్న రూమర్స్‌కు ఎండ్ కార్డ్ వేసింది.  ప్రస్తుతం ఫ్యామిలీ లైఫ్​ను ఆస్వాదిస్తున్నానని, సినీ ప్రపంచంలోకి మళ్లీ రావడం కష్టమని వెల్లడించింది. బాలీవుడ్‌తోపాటు దక్షిణాదిలోనూ అగ్ర హీరోల పక్కన నటించి కొన్నేళ్లపాటు ప్రేక్షకులను అలరించింది సమీరా రెడ్డి. పెళ్లి అనంతరం సినిమా పరిశ్రమకు దూరమైన ఆమె ప్రస్తుతం తన కుటుంబంతో సరదాగా గడుపుతోంది. తరచూ తన చిన్నారులతో కలిసి సరదా వీడియోలు చిత్రీకరించి సోషల్‌మీడియా ద్వారా అభిమానులతో పంచుకుంటుంది.