Bigg Boss 6 Telugu: చలాకి చంటికి ఊహించని షాక్ ఇచ్చిన హౌస్ మేట్స్.. ఈ సీజన్ మొత్తం ఇక అంతే
బిగ్ బాస్ లో వారాంతం వచ్చిందంటే చాలా హంగామా డబుల్ అవుతోంది. శని, ఆదివారాల్లో కింగ్ నాగార్జున ఎంట్రీ ఇచ్చి సందడి చేస్తారు. హౌస్ మేట్స్ కు కావాల్సినంత గడ్డి పెట్టి ఆతర్వాత ఆటలాడిస్తుంటారు.
Updated on: Oct 02, 2022 | 8:38 AM
బిగ్ బాస్ లో వారాంతం వచ్చిందంటే చాలా హంగామా డబుల్ అవుతోంది. శని, ఆదివారాల్లో కింగ్ నాగార్జున ఎంట్రీ ఇచ్చి సందడి చేస్తారు. హౌస్ మేట్స్ కు కావాల్సినంత గడ్డి పెట్టి ఆతర్వాత ఆటలాడిస్తుంటారు. ఇక బిగ్ బాస్ లో ట్విస్ట్ ల మీద ట్విస్ట్ లు ఇస్తున్నారు. ఎప్పటిలానే హౌస్ మేట్స్ గొడవలు, గోలలు, ఏడుపులు, అలకలతో సాగుతూ ఉంది. ఇక నిన్నటి ఎపిసోడ్ లో నాగార్జున ఎంట్రీ ఇచ్చారు హౌస్ మేట్స్ కు క్లాస్ తీసుకున్నారు. అంతే కాదు చలాకీ చంటి కి మాత్రం ఊహించని షాక్ ఇచ్చారు నాగార్జున. ఈ సీజన్ 6 మొత్తంలో చంటి కెప్టెన్ అయ్యే ఛాన్స్ లేదని తేల్చి చెప్పారు నాగ్. హౌస్లో ఒకే తప్పు నలుగురు చేసినప్పటికీ.. హౌస్మేట్స్ ఓట్ల ప్రకారం శిక్ష చంటికే పడింది. దాంతో కెప్టెన్సీ రేసు నుంచి చంటి తప్పుకోవాల్సి వచ్చింది.
హౌస్ లో ఇచ్చిన టాస్క్ లో భాగంగా అందరికి 5 వేలరూపాయల చొప్పున డబ్బులు ఇచ్చారు. చివరిగా ఎవరిదగ్గర ఎక్కువ డబ్బులు ఉంటాయో వాళ్ళు విజేత అని ప్రకటించాడు. అయితే నలుగురి దగ్గర మాత్రం సున్నా డబ్బులు మిగిలాయి. వారిలో ఆదిరెడ్డి, బాలాదిత్య, చంటి, ఇనయ ఉన్నారు. వీరిలో ఒకరికి ఈ సీజన్ లో కెప్టెన్సీ రేస్ లో ఉండే అవకాశం ఉండదు అని చెప్పాడు నాగ్. హౌస్ లో ఉన్నవారు ఈ నలుగురికి ఓట్లు వేయాలని చెప్పాడు. ముందుగా బాలాదిత్య కు ఎంతమంది ఓట్లు వేస్తారు అని అడగ్గా.. ఒక్కరు కూడా చేయి ఎత్తలేదు. దీంతో ఆయన సేఫ్ అయ్యాడు.
ఆ తర్వాత ఆదిరెడ్డికి.. ఒక్క రేవంత్ మాత్రమే చేయెత్తాడు. ఆతర్వాత ఇనయా, చంటికి చేరి మూడు ఓట్లు పడ్డాయి. అయితే కెప్టెన్ కీర్తి ఓటు చంటికి వేసింది. దాంతో ఎక్కువ ఓట్లు చంటికి రావడంతో అతడు కెప్టెన్సీ రేస్ ను అర్హుడు కాలేకపోయాడు. దాంతో ఇప్పుడు నీ విశ్వరూపం చూపించే సమయం వచ్చిందంటూ చంటికి చెప్పాడు నాగార్జున. నువ్వేంటే చూపించు.. నీ ఆటేంటో చూపించు అని చెప్పగానే .. కచ్చితంగా చూపిస్తానంటూ చంటి అన్నాడు.
మరిన్ని సినిమా వార్తల కోసం క్లిక్ చేయండి..
