Bigg Boss 8 Telugu: గంగవ్వ కంటే నాగార్జున పెద్దవారా? ఇద్దరి మధ్య ఏజ్ గ్యాప్ ఎంతో తెలుసా?
బిగ్ బాస్ తెలుగు సీజన్ 8 ఆసక్తికరంగా సాగుతోంది. సెప్టెంబర్ 1న గ్రాండ్ గా ప్రారంభమైన కొత్త సీజన్ ఇప్పటికే తొమ్మిది వారాలు పూర్తి చేసుకుంది. ఇప్పటివరకు తొమ్మిది మంది కంటెస్టెంట్స్ బయటకు వెళ్లిపోయారు. అలాగే వైల్డ్ కార్డ్ కంటెస్టెంట్స్ కూడా వచ్చారు. అందులో గంగవ్వ కూడా ఒకరు.
తెలంగాణకు ప్రాంతానికి చెందిన గంగవ్వ యూట్యూబర్ గా మంచి పాపులారిటీ సొంతం చేసుకున్నారు. ముఖ్యంగా మై విలేజ్ షో వీడియోలతో ఆమె పాపులారిటీ బాగా పెరిగింది. ఈ క్రేజ్ తోనే బిగ్ బాస్ సీజన్ 4 లో కంటెస్టెంట్ గా అడుగుపెట్టారు గంగవ్వ. అయితే హౌస్ వాతావరణానికి ఇమడలేక నాలుగు వారాలకే బయటకు వచ్చేశారు. ఇప్పుడు మళ్లీ సీజన్ 8లో వైల్డ్ కార్డ్ కంటెస్టెంట్ గా అడుగు పెట్టారు. ప్రస్తుతం బిగ్ బాస్ హౌస్ లో ఉన్న స్ట్రాంగ్ కంటెస్టెంట్స్ లో గంగవ్వ కూడా ఒకరు. వయసు రీత్యా ఫిజకల్ టాస్కులు, గేమ్స్ లో యాక్టివ్ గా పార్టిసిపేట్ చేయలేకపోయినా తన మాటలు, జోకులతో బిగ్ బాస్ ఆడియెన్స్ ను ఎంటర్ టైన్ చేస్తున్నారు. అదే క్రమంలో తనకు చేతనైన ఫిజికల్ టాస్కుల్లోనూ అదరగొడుతున్నారు గంగవ్వ. సాధారణంగా బిగ్ బాస్ విజేతగా నిలవాలంటే గేమ్ లు కచ్చితంగా ఆడాలి. అయితే గంగవ్వ మాత్రం అలా చేయడం లేదు. ఈ క్రమంలోనే ఆమెను బిగ్ బాస్ కు ఎందుకు తీసుకొచ్చారంటూ కొందరు ప్రశ్నిస్తున్నారు.
ఈ సంగతి పక్కన పెడితే సోషల్ మీడియాలో గంగవ్వ వయసు గురించి ఒక చర్చ జరుగుతోంది. ప్రస్తుతం ఆమె వయసు 62 ఏళ్లని, అదే సమయంలో బిగ్ బాస్ కు హోస్ట్ గా వ్యవహరిస్తోన్న నాగార్జున వయసు 65 ఏళ్లని నెటిజన్లు చర్చించుకుంటున్నారు. అంటే ఒక రకంగా చెప్పాలంటే గంగవ్వ కంటే నాగార్జున మూడేళ్లు వయసులో పెద్ద అన్నమాట. గంగవ్వ – నాగార్జున ఏజ్ గ్యాప్ తెలిసి అందరూ ఆశ్చర్యం వ్యక్తం చేస్తున్నారు. దీనిపై నెటిజన్లు క్రేజీ కామెంట్స్ చేస్తున్నారు.
బిగ్ బాస్ హౌజ్ లో గంగవ్వ..
View this post on Instagram
అయితే గంగవ్వ విషయంలో నాగార్జున చాలా ఉదారంగా వ్యవహరించాడు. గతంలో బిగ్ బాస్ సీజన్ 4 నుండి గంగవ్వ బయటకు వచ్చిన తర్వాత నాగార్జున ఆమెకు ఇల్లు కట్టుకోవడానికి కొంత డబ్బు ఇచ్చాడు. ఈ విషయాన్ని గంగవ్వే పలు సార్లు చెప్పుకొచ్చారు. నాగార్జునకు ధన్యవాదాలు తెలిపారు.
గంగవ్వకు అలా సాయం చేసిన నాగార్జున
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
