ఐశ్వర్యరాయ్ , అభిషేక్ బచ్చన్ విడాకుల పై గుసగుసలు.. వైరల్‌గా మారిన బచ్చన్ సాబ్ ట్వీట్

బాలీవుడ్ స్టార్ కపుల్ ఐశ్వర్యరాయ్ , అభిషేక్ బచ్చన్‌ల వివాహజీవితంలో విభేదాలు తలెత్తాయని.. వీరిద్దరూ విడాకులు తీసుకోబోతున్నారనే వార్తలు కాస్త జోరుగా సాగుతోంది. ఇన్‌స్టాగ్రామ్‌లో అమితాబ్ బచ్చన్ ఐశ్వర్యారాయ్‌ను అన్‌ఫాలో చేయడం ఈ వార్తలకు మరింత బలం చేకూర్చింది. దీని తర్వాత, అమితాబ్ బచ్చన్ చేసిన ట్వీట్ ఇప్పుడు ఈ విడాకుల వార్తలను ధృవీకరించేలా చేసింది. అభిషేక్ బచ్చన్, ఐశ్వర్యరాయ్ 2007లో ప్రేమించి పెళ్లి చేసుకున్నారు. ఇద్దరికీ ఆద్య అనే కూతురు ఉంది. ఈ జంట తమ 16 ఏళ్ల వైవాహిక జీవితానికి స్వస్తి చెప్పాలని చూస్తున్నట్టు బాలీవుడ్ లో గుసగుసలు వినిపిస్తున్నాయి. ఈ ఇద్దరు విడిపోవడానికి కారణాలు ఏమిటో ఇంకా ఖచ్చితంగా తెలియరాలేదు.

ఇదిలా ఉంటే ఇటీవల  అమితాబ్ బచ్చన్ ఓ ట్వీట్ చేశారు. అది కాస్త సోషల్ మీడియాలో వైరల్ గా మారింది. “అంతా చెప్పారు, అంతా చేసారు, ఇప్పుడు చెప్పినది చేయాలి, ఏమి జరిగిందో చెప్పాలి” అని అమితాబ్ బచ్చన్ ట్వీట్ చేస్తూ,ఓ ఫోటోను పంచుకున్నారు. అయితే బచ్చన్ ట్వీట్‌ను అభిషేక్, ఐశ్వర్య విడాకులకు నెటిజన్లు లింక్ చేస్తున్నారు.

T 4854 – everything said everything done .. so do the done and done the do .. pic.twitter.com/wYrAMetoGo

— Amitabh Bachchan (@SrBachchan) December 8, 2023

అభిషేక్-ఐశ్వర్యల విడాకుల గురించి గత కొన్ని వారాలుగా వార్తలు హల్ చల్ చేస్తున్నాయి. వారి వివాహం గురించి వార్తలు చుట్టుముట్టడం ప్రారంభించిన తర్వాత, బచ్చన్ కుటుంబం మొత్తం ఇటీవల ‘ది ఆర్చీస్’ చిత్రం ప్రీమియర్ షోలో కనిపించింది. ఈ కార్యక్రమానికి అభిషేక్, ఐశ్వర్య కలిసి వచ్చారు. దాంతో విడాకుల వార్తల్లో వాస్తవం లేదని తేలిపోయింది. అభిషేక్ బచ్చన్ సినిమా ఇండస్ట్రీకి వచ్చి 20 ఏళ్లు అవుతున్నా స్టార్ కాలేకపోయాడు. పెళ్లికి ముందు ఐశ్వర్యరాయ్ టాప్ నటి. పెళ్లయిన తర్వాత కూడా ఆమె నటనను కొనసాగించినప్పటికీ ఎక్కువ సినిమాల్లో కనిపించలేదు. ఈ మధ్యనే మణిరత్నం దర్శకత్వంలో ‘పొన్నియిన్ సెల్వన్’ సినిమాలో నటించింది.

View this post on Instagram

A post shared by AishwaryaRaiBachchan (@aishwaryaraibachchan_arb)

మరిన్ని సినిమా వార్తల కోసం ఇక్కడ క్లిక్ చేయండి.