Allu Arjun: ‘ఎన్నో విలువైన పాఠాలను నేర్చుకున్నా.. వారందరికీ థ్యాంక్స్’.. అల్లు అర్జున్ న్యూ ఇయర్ విషెస్‌
పలువురు సినీ, రాజకీయ ప్రముఖులు ముందుగానే కొత్త సంవత్సరం శుభాకాంక్షలు తెలుపుతున్నారు. సోషల్‌ మీడియా వేదికగా న్యూ ఇయర్ విషెస్‌ చెబుతున్నారు. అలాగే 2023లో తమ జీవితంలో చోటు చేసుకున్న తీపి జ్ఞాపకాలను గుర్తు తెచ్చుకుంటున్నారు. పాన్‌ ఇండియా హీరో, టాలీవుడ్ ఐకాన్ స్టార్ అల్లు అర్జున్ నూతన సంవత్సరానికి స్వాగతం పలుకుతూ సోషల్‌ మీడియాలో శుభాకాంక్షలు తెలిపాడు.
Updated on: Dec 31, 2023 | 8:57 PM
మరికొన్ని గంటల్లో 2023 సంవత్సరం ముగియనుంది. ఈ ఏడాదికి వీడ్కోలు పలుకుతూ కొత్త సంవత్సరం 2024కు గ్రాండ్‌ వెల్‌కమ్‌ చెప్పేందుకు అందరూ రెడీ అవుతున్నారు. ఈ నేపథ్యంలో పలువురు సినీ, రాజకీయ ప్రముఖులు ముందుగానే కొత్త సంవత్సరం శుభాకాంక్షలు తెలుపుతున్నారు. సోషల్‌ మీడియా వేదికగా న్యూ ఇయర్ విషెస్‌ చెబుతున్నారు. అలాగే 2023లో తమ జీవితంలో చోటు చేసుకున్న తీపి జ్ఞాపకాలను గుర్తు తెచ్చుకుంటున్నారు. పాన్‌ ఇండియా హీరో, టాలీవుడ్ ఐకాన్ స్టార్ అల్లు అర్జున్ నూతన సంవత్సరానికి స్వాగతం పలుకుతూ సోషల్‌ మీడియాలో శుభాకాంక్షలు తెలిపాడు. పుష్ప సినిమాకు జాతీయ ఉత్తమ నటుడి పురస్కారం అందుకున్న ఈ ఏడాదికి సంతోషంగా వీడ్కోలు పలకనున్నట్లు తెలిపాడు. అలాగే 2023 తనకు ఎన్నో విలువైన పాఠాలను నేర్పిందంటూ తన నోట్‌లో రాసుకొచ్చాడు ఐకాన్ స్టార్.
‘2023లో నా అద్బుత ప్రయాణంలో భాగమైన ప్రతీ ఒక్కరికీ నేను ధన్యవాదాలు చెప్పాలనుకుంటున్నా. నాకు ఇది చాలా రకాలుగా ఒక అద్భుతమైన సంవత్సరం. నేను చాలా అందమైన, ముఖ్యమైన, విలువైన పాఠాలను నేర్చుకున్నా. ప్రతీ ఒక్కరికీ థ్యాంక్స్. అందమైన ఈ 2023 సంవత్సరానికి ఎంతో కృతజ్ఞతతో వీడ్కోలు పలుకుతున్నాను. అందరికీ నూతన సంవత్సరం శుభాకాంక్షలు. హ్యాపీ న్యూఇయర్ 2024’ అని ట్వీట్ చేశారు అల్లు అర్జున్. ప్రస్తుతం ఈ ట్వీట్ నెట్టింట వైరల్‌గా మారింది. పలువురు సినీ ప్రముఖులు, అభిమానులు, నెటిజన్లు రెస్పాండ్‌ అవుతున్నారు. అందరికీ నూతన సంవత్సరం శుభాకాంక్షలు తెలుపుతున్నారు. ఇక సినిమాల విషయానికొస్తే.. ప్రస్తుతం పుష్ప 2 సినిమాలో బిజిబిజీగా ఉంటున్నాడు అల్లు అర్జున్. సుకుమార్‌ తెరకెక్కిస్తోన్న ఈ మాస్‌ ఎంటర్‌టైనర్‌ వచ్చే ఏడాది స్వాతంత్ర్య దినోత్సవం కానుకగా ఆగస్టు 15న ప్రేక్షకుల ముందుకు రానుంది.
అల్లు అర్జున్ ట్వీట్..
Happy New Year . Happy 2024 pic.twitter.com/mNAs9h9snz
— Allu Arjun (@alluarjun) December 31, 2023
జాతీయ ఉత్తమ నటుడి పురస్కారం అందుకుంటోన్న అల్లు అర్జున్..
Honoured to receive the National Award. I want to thank the jury, the ministry, the Government of India, for this recognition. This award is not only a personal milestone, but belongs to all people who have supported and cherished our cinema. Thank you, Sukumar garu. You are the… pic.twitter.com/moX9e0hTSy
— Allu Arjun (@alluarjun) October 17, 2023
మరిన్ని సినిమా వార్తల కోసం ఇక్కడ క్లిక్ చేయండి.
