Allu Arjun: ఇది బన్నీ స్టైల్.. ఈవెంట్‏లో పనేరై వాచ్ ధరించిన అల్లు అర్జున్.. ధరెంత ఉంటుందో తెలుసా.. ?

స్టైలీష్ స్టార్ అల్లు అర్జున్ ఇప్పుడు వరల్డ్ వైడ్ అత్యధిక ఫాలోయింగ్ ఉన్న హీరోలలో ఒకరు. గంగోత్రి సినిమాతో హీరోగా సినీ ప్రయాణం ఆరంభించిన బన్నీ ఇప్పుడు పాన్ ఇండియా స్టార్‏గా క్రేజ్ సొంతం చేసుకున్నాడు. తెలుగులో ఎన్నో సూపర్ హిట్ చిత్రాల్లో నటించిన బన్నీ కెరీర్‏ను మలుపు తిప్పింది పుష్ప మూవీ. డైరెక్టర్ సుకుమార్ దర్శకత్వంలో తెరకెక్కిన ఈ సినిమా బాక్సాఫీస్ వద్ద సంచలనం సృష్టించింది. అత్యధిక కలెక్షన్స్ రాబట్టిన ఈ సినిమాకు ఇప్పుడు సీక్వెల్ తెరకెక్కుతుంది. పుష్ప2 పేరుతో వస్తున్న ఈ ప్రాజెక్ట్ పై భారీ అంచనాలు ఉన్నాయి. త్వరలోనే ఈ మూవీ అడియన్స్ ముందుకు రాబోతుంది. ఇదంతా పక్కన పెడితే ఇండస్ట్రీలో స్టైలీష్, ఫ్యాషన్ సెన్స్‏కు అల్లు అర్జున్ కేరాఫ్ అడ్రస్. అద్భుతమైన నటనతో వెండితెరపై అలరిస్తూ.. తనదైన మ్యానరిజంతో యూత్ ఫేవరేట్ ఐకాన్ స్టార్‏గా నిలిచాడు. ఇప్పుడు బన్నీకి సంబంధించిన ఓ ఇంట్రెస్టింగ్ న్యూస్ నెట్టింట వైరలవుతుంది.

ప్రస్తుతం పుష్ప 2 చిత్రీకరణతో బిజీగా ఉన్న అల్లు అర్జున్.. ఇటీవల టాలీవుడ్ దర్శకుల దినోత్సవ కార్యక్రమానికి బన్నీ ముఖ్య అతిథిగా హాజరయ్యారు. ఈ వేడుకలో సింపుల్, స్టైలీష్ గా కనిపించారు బన్నీ. ముఖ్యంగా ఈ వేడుకలో బన్నీ ధరించిన పనేరై వాచ్ అందరి దృష్టిని ఆకర్షించింది. సెలబ్రేటీస్ అవుట్ ఫిట్ డీకోడ్ ఇన్ స్టా పేజీ ప్రకారం బన్నీ ధరించిన పనైరా వాచ్ ధర రూ. 3,97,431 అని తెలుస్తోంది. ఇది వాచ్ ల పట్ల బన్నీకి ఉన్న ఆసక్తిని చూపిస్తుంది. ప్రస్తుతం ఇందుకు సంబంధించిన ఫోటోస్, వీడియోస్ నెట్టింట వైరలవుతున్నాయి.

పుష్ప 2 పై ఇప్పటికే భారీ హైప్ నెలకొంది. సుకుమార్ దర్శకత్వం వహిస్తున్న ఈ సినిమా కోసం అభిమానులు ఎంతో ఆసక్తిగా వెయిట్ చేస్తున్నారు. ఇందులో రష్మిక మందన్నా, ఫహద్ ఫాజిల్, సునీల్, అనసూయ కీలకపాత్రలు పోషిస్తుండగా.. దేవి శ్రీ ప్రసాద్ సంగీతం అందిస్తున్నారు. ఈ ఏడాది ఆగస్ట్ 15న ప్రపంచవ్యాప్తంగా విడుదల కానుంది. ఇప్పటికే రిలీజ్ అయిన అల్లు అర్జున్ స్పెషల్ వీడియో సినిమాపై మరింత ఆసక్తిని పెంచింది.

View this post on Instagram

A post shared by Celebrities Outfit Decode (@celebrities_outfit_decode)

మరిన్ని సినిమా వార్తల కోసం ఇక్కడ క్లిక్ చేయండి.