Allu Arjun: అతడి కోసమే గోవాలో మందు కొనడానికి వెళ్లాను.. అసలు విషయం చెప్పిన బన్నీ..

Allu Arjun, Balakrishna

ఐకాన్ స్టార్ అల్లు అర్జున్ ప్రస్తుతం పుష్ప 2 ప్రమోషన్లలో బిజీగా ఉన్న సంగతి తెలిసిందే. డిసెంబర్ 5న ఈ మూవీ విడుదలకానుండగా.. చిత్రయూనిట్ విభిన్నంగా ప్రమోషన్స్ చేసేందుకు రెడీ అయ్యింది. ఈ క్రమంలోనే ఇదివరకే అల్లు అర్జున్ ప్రముఖ ఓటీటీ ప్లాట్ ఫామ్ ఆహా నిర్వహిస్తున్న అన్ స్టాపబుల్ టాక్ షోలో పాల్గొన్నారు. ఇందులో నందమూరి హీరో బాలకృష్ణతో కలిసి మనసులోని మాటలు పంచుకున్నారు బన్నీ. ఈ షో శుక్రవారం అర్ధరాత్రి నుంచి స్ట్రీమింగ్ అవుతుంది. ఇక ఈ షోలో బన్నీ కెరీర్, జీవితంలో ముఖ్యమైన వాళ్లతో ప్రత్యేకంగా వీడియోస్ చేయించారు బాలయ్య. అందులో బన్నీ మొదటి సినిమా డైరెక్టర్ రాఘవేంద్రరావు, త్రివిక్రమ్, దిల్ రాజు, గుణశేఖర్, నవదీప్, అల్లు శిరీష్ ఆసక్తికర విషయాలను పంచుకున్నారు. తన మొదటి సినిమా గంగోత్రి విడుదలై మంచి విజయం సాధించిందని.. ఆ మూవీ రాఘవేంద్రరావు 100వ సినిమా అని అన్నారు.

అలాగే ఇదే టాక్ షోలో గోవాలో బన్నీ వైన్ షాపుకు వెళ్లిన వీడియోను సైతం ప్లే చేశారు. దీంతో అసలు విషయం చెప్పుకొచ్చారు బన్నీ. నా పేరు సూర్య షూటింగ్ కోసం గోవా వెళ్లానని.. అప్పుడే తన ప్రాణ స్నేహితుడు సందీప్ రామ్‏నేని కూడా అక్కడకు వచ్చాడని అన్నారు. తనకు ఏం కావాలని అడిగితే వైన్ లో ఒక బ్రాండ్ చెప్పారని.. తన కోసం తీసుకోవడానికే ఆ వైన్ షాపుకు వెళ్లినట్లు తెలిపాడు. అయితే తన స్నేహితుడు అడిగిన బ్రాండ్ అక్కడ లేకపోవడంతో ఏమి కొనకుండానే వెనక్కి వచ్చినట్లు చెప్పుకొచ్చాడు.

అనంతరం తన స్నేహితుడు సందీప్ రామ్‏నేనిని అన్ స్టాపబుల్ స్టేజ్ పైకి తీసుకువచ్చాడు బన్నీ. తన ఫ్రెండ్ బాలయ్య వీరాభిమానని అని చెబుతూ పరిచయం చేశాడు. తనకు సందీప్ బ్రెస్ట్ ఫ్రెండ్ అని.. చిన్ననాటి నుంచి స్నేహితులమని.. వీడు లేకుండా నేనుండలేను అంటూ తన స్నేహితుడిపై ఉన్న ప్రేమను బయటపెట్టాడు అల్లు అర్జున్.

ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..

Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..

Chandamama: దొరికిందోచ్.. టాలీవుడ్‏కు మరో చందమామ.. ఈ హీరోయిన్ కూతురిని చూశారా.. ?

మరిన్ని సినిమా వార్తల కోసం ఇక్కడ క్లిక్ చేయండి.