Amala Akkineni: నాగార్జున పాటకు డాన్స్ అదరగొట్టిన అమల.. వైరలవుతున్న వీడియో…

Amala Akkineni

దక్షిణాది సినీ పరిశ్రమలో మోస్ట్ బ్యూటీఫుల్ జోడి అంటే అక్కినేని నాగార్జున, అమల జంట గుర్తుకు వస్తుంది. శివ సినిమా షూటింగ్ సమయంలో ఏర్పడిన పరిచయం ప్రేమగా మారడం.. ఆ తర్వాత పెళ్లితో వీరిద్దరు ఒక్కడవ్వడం తెలిసిందే. ఈ చిత్రంలో జత కట్టిన వీరిద్దరు నిజ జీవితంలోనూ జోడి అయ్యారు. పెళ్లికి ముందు పలు చిత్రాల్లో నటించిన అమల.. ఆ తర్వాత సినిమాలకు దూరంగా ఉంది. చాలా కాలం తర్వాత లైఫ్ ఈజ్ బ్యూటీఫుల్ సినిమాతో మరోసారి వెండితెరపై కనిపించింది. 2012లో విడుదలైన ఈ సినిమా సూపర్ హిట్ అయ్యింది. ఇక ఈ మూవీ తర్వాత తెలుగులో కొన్ని చిత్రాల్లో అమ్మ పాత్రలు పోషించింది. ఇటు చిత్రాల్లో నటిస్తూనే అటు సామాజిక సేవలోనూ ముందుంటారు అమల. అయితే చాలా సంవత్సరాల తర్వాత నాగార్జున పాటకు డాన్స్ చేసి అదుర్స్ అనిపించారు.

ఇటీవల అన్నపూర్ణ ఫిల్మ్ కాలేజీలో జరిగిన ఓ కార్యక్రమానికి అమల ముఖ్య అతిథిగా హాజరయ్యారు. అక్కడ నాగార్జున నటించిచన హలో బ్రదర్ సినిమాలోని ప్రియా రాగాలే పాటకు స్టేజ్ పై డాన్స్ చేశారు అమల. ఇందుకు సంబంధించిన వీడియో వైరలవుతుంది. మీరు ఆ వీడియో పై ఓ లుక్కెయ్యండి.

ఇదిలా ఉంటే ఈరోజు అక్కినేని అమల పుట్టినరోజు. అమల అసలు పేరు అమల ముఖర్జీ. ఆమె తల్లి ఐర్లాండ్ దేశస్తురాలు కాగా.. తండ్రి బెంగాళీ. అమల, నాగార్జున జోడిగా నటించిన తొలి చిత్రం కిరాయిదాదా. ఆ తర్వాత వీరి కాంబోలో వచ్చిన చిత్రం చినబాబు. ఆ తర్వాత శివ సినిమాలో కలిసి నటించారు. ఈ మూవీ బాక్సాఫీస్ వద్ద సూపర్ హిట్ అయ్యింది. తొలి సినిమాలో ఏర్పడిన పరిచయమే ఆ తర్వాత ప్రేమగా మారింది.

ఈరోజు అమల పుట్టిన రోజు సందర్భంగా తన తల్లితోపాటు నాగార్జున, అఖిల్ తో కలిసి దిగిన ఫోటోను ఇన్ స్టా ఖాతాలో షేర్ చేసుకున్నారు అమల. పుట్టినరోజులు ప్రత్యేకమైనవి. అన్ని ప్రాంతాల నుంచి ప్రేమ వర్షం కురుస్తుంది. నాకు జన్మదిన శుభాకాంక్షలు తెలిపిన అందరికీ కృతజ్ఞతలు అంటూ రాసుకొచ్చింది అమల.

మరిన్ని సినిమా వార్తల కోసం ఇక్కడ క్లిక్ చేయండి.