Atlee: అల్లు అర్జున్‌, నేను మంచి ఫ్రెండ్స్.. కానీ ఆ స్టార్‌ హీరోలతోనే ముందుగా సినిమాలు తీస్తా: అట్లీ
అట్లీ కుమార్.. ప్రస్తుతం సినిమా ఇండస్ట్రీలో మార్మోగుతోన్న పేరు. షారుక్‌ ఖాన్‌తో ఆయన తెరకెక్కించిన జవాన్ సినిమా బాక్సాఫీస్‌ రికార్డులు బద్దలు కొడుతోంది. రికార్డు స్థాయిలో వసూళ్లు సాధిస్తోంది. ఇప్పటికే రూ.850 కోట్లకు పైగా కలెక్షన్లు రాబట్టిన ఈ మాస్‌ ఎంటర్‌టైనర్‌ 1000 కోట్ల దిశగా వేగంగా అడుగులు వేస్తోంది.
అట్లీ కుమార్.. ప్రస్తుతం సినిమా ఇండస్ట్రీలో మార్మోగుతోన్న పేరు. షారుక్‌ ఖాన్‌తో ఆయన తెరకెక్కించిన జవాన్ సినిమా బాక్సాఫీస్‌ రికార్డులు బద్దలు కొడుతోంది. రికార్డు స్థాయిలో వసూళ్లు సాధిస్తోంది. ఇప్పటికే రూ.850 కోట్లకు పైగా కలెక్షన్లు రాబట్టిన ఈ మాస్‌ ఎంటర్‌టైనర్‌ 1000 కోట్ల దిశగా వేగంగా అడుగులు వేస్తోంది. అట్లీకి డైరెక్టర్‌గా జవాన్ ఐదో సినిమా. ఇంతకు ముందు అతను తెరకెక్కించిన రాజారాణి, పోలీసోడు, అదిరింది, విజిల్‌ అన్నీ బ్లాక్‌ బస్టర్‌ హిట్లే. దీంతో సినిమా ఇండస్ట్రీలో అపజయమెరుగని అతి కొద్ది మంది డైరెక్టర్లలో ఒకరిగా ఈ యంగ్ డైరెక్టర్‌ గుర్తింపు తెచ్చుకున్నారు. ఇక జవాన్ సినిమా విషయానికొస్తే.. బాలీవుడ్‌లో అట్లీకిది మొదటి సినిమా. పైగా షారుక్‌ లాంటి స్టార్‌ హీరో. అయినా ఏ మాత్రం అంచనాలకు తగ్గకుండా సినిమాను రూపొందించారు. సందేశాత్మకంగా సినిమాను తీస్తూనే కమర్షియల్‌ అంశాలకు ప్రాధాన్యమిచ్చాడు. తద్వారా షారుక్‌ అభిమానులను మెప్పించాడు. ప్రస్తుతం హిందీలో అట్లీ పేరు మార్మోగిపోతోంది. జవాన్ తర్వాత ఏ సినిమా తీయనున్నాడు? ఏ హీరోను డైరెక్ట్‌ చేయనున్నాడు? అన్న సందేహాలు తలెత్తున్నాయి. తర్వాతి ప్రాజెక్టుగా అల్లు అర్జున్‌తో సినిమా తీస్తున్నాడని వార్తలు వస్తున్నాయి. తాజాగా ఈ విషయంపై క్లారిటీ ఇచ్చాడు అట్లీ. జవాన్ ప్రమోషన్లలో భాగంగా ఓ ఇంటర్వ్యూలో పాల్గొన్న ఈ యంగ్ డైరెక్టర్‌ తన రాబోయే సినిమాలపై అసక్తికర విషయాలు పంచుకున్నారు. బాలీవుడ్ స్టార్‌ హీరోలు సల్మాన్‌ ఖాన్‌, హృతిక్‌ రోషన్‌, రణ్‌వీర్ సింగ్‌, రణ్‌బీర కపూర్‌లతో సినిమాలు చేయాలనుందని మనసులో మాట బయటపెట్టారు. ముందుగా సల్లూ భాయ్‌, రణ్‌బీర్‌తో సినిమాలు తెరకెక్కించాలనుందన్నాడు.
షారుక్‌ అభిమానిగా జవాన్‌ను తెరకెక్కించా..
ఇక అల్లు అర్జున్‌తో సినిమాపై స్పందిస్తూ..’బన్నీ, నేను మంచి ఫ్రెండ్స్. సినిమా విషయంలో మాకు కొన్ని ఆలోచనలు, అభిప్రాయాలున్నాయి. ఒక సినిమా రెడీ కావాలంటే దేవుడి ఆశీస్సులు కూడా చాలా అవసరం. కాబట్టి వాటి కోసం వేచి చూద్దాం’ అని చెప్పుకొచ్చారు అట్లీ. ఇక జవాన్ సినిమా సక్సెస్‌పై స్పందిస్తూ..’నేను దర్శకుడిగా సినిమా తీయను. ఓ అభిమానిగా తెరకెక్కిస్తాను. అలాగే షారుక్‌ సినిమాను తీశాను’ అని చెప్పుకొచ్చారు. ఇక జవాన్ సినిమాలో నయనతార హీరోయిన్ గా నటించింది. దీపికా పదుకొనే, ప్రియమణి, విజయ్ సేతుపతి, సాన్యా మల్హోత్రా, సునీల్ గ్రోవర్, యోగిబాబు తదితరులు ప్రధాన పాత్రల్లో మెరిశారు. షారుక్‌ సొంత బ్యానర్‌ రెడ్‌ చిల్లీస్‌ ఎంటర్‌టైన్మెంట్‌ బ్యానర్‌పై గౌరీఖాన్‌ జవాన్ సినిమాను నిర్మించారు. అనిరుధ్‌ రవిచంద్‌ అందించిన బాణీలు జవాన్ విజయంలో కీలక పాత్ర పోషించాయి.
మరిన్ని సినిమా వార్తల కోసం ఇక్కడ క్లిక్ చేయండి.