Koratala Siva : తారక్ సినిమా తర్వాత కొరటాల డైరెక్ట్ చేసేది ఆ స్టార్ హీరోనే..

మొన్నటి వరకు వరుస సక్సెస్ లతో దూసుకుపోయారు స్టార్ డైరెక్టర్ కొరటాల శివ(Koratala Siva). ఆయన రీసెంట్ గా మెగా స్టార్ చిరంజీవితో కలిసి ఆచార్య (Acharya)సినిమా తెరకెక్కించారు. ఈ సినిమాలో మెగా పవర్ స్టార్ రామ్ చరణ్ కీలక పాత్రలో నటించిన విషయం తెలిసిందే. ఈ సినిమా ఆశించిన స్థాయిలో అభిమానులను ఆకట్టుకోలేకపోయింది. ఆచార్య సినిమా ఆశించిన ఫలితాన్ని ఇవ్వలేకపోయింది. దాంతో మెగా ఫ్యాన్స్ కు నిరాశ తప్పలేదు. ప్రస్తుతం కొరటాల శివ యంగ్ టైగర్ ఎన్టీఆర్ తో సినిమా చేస్తున్నాడు. ఈ సినిమాపై భారీ అంచనాలే ఉన్నాయి. కొరటాల ఇందులో ఎన్టీఆర్‌ లుక్‌ను పూర్తిగా మార్చేయనున్నాడని చర్చ జరుగుతోన్న నేపథ్యంలో ఆయన ఫ్యాన్స్‌ ఫుల్‌ ఖుషీలో ఉన్నారు. ఎన్టీఆర్‌ 30వ చిత్రంగా తెరకెక్కనున్న ఈ సినిమాకు సంబంధించి రోజుకో వర్త నెట్టింట వైరల్‌ అవుతూనే ఉంది. రీసెంట్ గా తారక్ పుట్టిన రోజు సందర్భంగా విడుదల చేసిన మోషన్ పోస్టర్ తారక్ అభిమానులను విపరీతంగా ఆకట్టుకుంది.

ఈ సినిమా తర్వాత కొరటాల శివ ఎవరితో సిబినిమా చేయనున్నాడన్నది ఇప్పుడు ఆసక్తికరంగా మారింది. ఇందుకు సంబంధించిన ఓ వార్త ఇప్పుడు ఫిలిం సర్కిల్స్ లో చక్కర్లు కొడుతోంది. కొరటాల తారక్ సినిమా తర్వాత మెగా పవర్ స్టార్ రామ్ చరణ్ తో ఓ సినిమా చేయాలని చూస్తున్నారట. కొరటాలతో సోలో హీరోగా సినిమా చేయడానికి చరణ్ సుముఖంగానే ఉన్నాడని అంటున్నారు. చరణ్ కోసం ఓ పవర్ ఫుల్ కథను కూడా సిద్ధం చేస్తున్నారట కొరటాల. అలాగే ఈ సినిమాతర్వాత కొరటాల బాలకృష్ణ తో సినిమా చేయనున్నాడని టాక్. మరి ఈ వార్తల్లో వాస్తవమెంత అన్నది తెలియాల్సి ఉంది.