Balakrishna: బాలయ్య సినిమాలో మరో హీరోయిన్ ?.. తెరపైకీ వచ్చిన ఆ బ్యూటీ పేరు..

అఖండ సినిమాతో ఈ ఏడాది బాక్సాఫీస్ వద్ద సంచలనం సృష్టించాడు నందమూరి నటసింహం బాలకృష్ణ (Balakrishna). డైరెక్టర్ బోయపాటి దర్శకత్వంలో తెరకెక్కిన ఈ సినిమా విజయం సాధించడమే కాకుండా భారీగానే వసూళ్లు రాబట్టింది. ప్రస్తుతం ఈ హీరో డైరెక్టర్ గోపిచంద్ మలినేని డైరెక్షన్లో ఓ మూవీ చేస్తున్న సంగతి తెలిసిందే. ప్రస్తుతం ఈ మూవీ షూటింగ్ శరవేగంగా జరుగుతుంది. ఈ సినిమాలో బాలయ్యకు జోడిగా శ్రుతిహాసన్ కథానాయికగా నటిస్తోంది. గోపిచంద్ సినిమా తర్వాత బాలయ్య.. సక్సెస్ ఫుల్ డైరెక్టర్ అనిల్ రావిపూడితో కలిసి ఓ సినిమా చేయనున్నాడు.. ప్రస్తుతం ఈ సినిమా సంబంధించిన చర్చలు నడుస్తున్నాయి . ఫుల్ కామెడీ ఎంటర్టైనర్ గా తెరకెక్కిన ఎఫ్ 3 సినిమా మే 27న ప్రేక్షకుల ముందుకు రానుంది. ఇప్పటికే చిత్రయూనిట్ ఈ సినిమా ప్రమోషన్లలో క్షణం తీరిక లేకుండా గడిపేస్తుంది. ఎఫ్ 3 విడుదల అనంతరం.. అనిల్ రావిపూడి.. బాలయ్య సినిమాకు సంబంధించిన అధికారిక ప్రకటన రాబోతున్నట్లుగా తెలుస్తోంది. అయితే గత కొద్ది రోజులుగా ఈ సినిమా పై వరుస అప్డేట్స్ సోషల్ మీడియాలో చక్కర్లు కొడుతున్నాయి.

ఈ సినిమాలో బాలయ్య 50 ఏళ్ల వ్యక్తిగా కనిపించబోతున్నాడని.. ఆయన కూతురుగా యంగ్ హీరోయిన్ శ్రీలీల నటిస్తుందని టాక్ నడుస్తున్న సంగతి తెలిసిందే. ఇటీవలే ఎఫ్ 3 ప్రమోషన్లలో భాగంగా బాలయ్య సినిమా గురించి స్పందించిన అనిల్ రావిపూడి తన మార్క్ కామెడీని పక్కన పెట్టి,.. ఈ సినిమాను తెరకెక్కించనున్నట్లు.. ఇందులో బాలకృష్ణను మరింత సరికొత్తగా చూపించబోతున్నట్లుగా చెప్పుకొచ్చారు. దీంతో ఈ సినిమాపై అంచనాలు మరింత పెరిగాయి. అయితే ఈ సినిమాలో మెహ్రీన్ కథానాయికగా నటించబోతుందని టాక్ వినిపించిన సంగతి తెలిసిందే. అయితే ఇప్పుడు మరో హీరోయిన్ పేరు తెరపైకీ వచ్చింది. లేటేస్ట్ సమాచారం ప్రకారం ఇందులో బాలకృష్ణ సరసన ప్రియమణి నటించనుందట. ప్రస్తుతం ఆమెతో చిత్రయూనిట్ సంప్రదింపులు జరుపుతున్నారని టాక్. అలాగే ఈ సినిమా ప్రీ ప్రొడక్షన్ పనులు వేగంగా జరుగుతున్నట్లుగా తెలుస్తోంది. మొత్తానికి ఇంకా రెగ్యూలర్ షూటింగ్ ప్రారంభంకానీ సినిమా పై రోజుకో వార్త నెట్టింట్లో చక్కర్లు కొడుతుంది.