Faria Abdullah: ఓటీటీలోకి తొలి అడుగు.. ఫరియా అద్భుల్లా వెబ్ సిరీస్‌తో సక్సెస్ కొట్టేనా..

చిట్టి నా చిల్ బుల్ చిట్టీ.. అనే పాట ఓ రేంజ్ లో ట్రెండ్ అయ్యింది ఈ పాట. అదే రేంజ్ లో పాపులర్ అయ్యింది హీరోయిన్ ఫారియా అబ్దుల్లా..ఈ హైదరాబాద్ బ్యూటీ జాతిరత్నాలు సినిమాతో హీరోయిన్ గా పరిచయం అయ్యింది. అందం అభినయం కలబోసిన ఈ భామ తొలి సినిమాతోనే ప్రేక్షకులను ఫిదా చేసింది. జాతిరత్నాలు సినిమాలో అమాయకపు యువతిగా చక్కగా నటించి నవ్వులు పూయించింది. ఈ సినిమా తర్వాత పలు సినిమాల్లో చిన్న చిన్న పాత్రల్లో నటించింది. మెయిన్ హీరోయిన్ గా కంటే స్పెషల్ రోల్స్ లోనే ఎక్కువగా కనిపించింది ఈ పొడుగు కాళ్ళ సుందరి. ఇక బంగార్రాజు సినిమాలో స్పెషల్ సాంగ్ చేసి మెప్పించింది. ఆతర్వాత లైక్ షేర్ సబ్‌స్క్రైబ్ అనే సినిమాలో హీరోయిన్ గా చేసింది కానీ ఆ సినిమా ఫ్లాప్ అయ్యింది.

రీసెంట్ గా రవితేజ నటించిన రావణాసుర సినిమాలోనూ నటించింది. ఈ సినిమా థియేటర్స్ లో కంటే ఓటీటీలోనే ప్రేక్షకులను ఆకట్టుకుంది. ఇక సోషల్ మీడియాలోనూ ఈ అమ్మడు ఓ రేంజ్ లో అభిమానులను ఆకట్టుకుంటుంది. రకరకాల ఫొటోలతోపాటు.. డాన్స్ వీడియోలను షేర్ చేసి ఫ్యాన్స్ ను ఫిదా చేస్తోంది.

ఇక ఇప్పుడు ఈ అమ్మడు ప్రధాన పాత్రలో నటిస్తున్న వెబ్ సిరీస్ ద జెంగబూరు కర్స్ . ఈ సిరీస్ క్లైమేట్ ఛేంజ్ నేపథ్యంలో తెరకెక్కుతోంది. ఈ వెబ్ సిరీస్ ప్రముఖ ఓటీటీ సంస్థ సోనీ లివ్ లో స్ట్రీమింగ్ కానుంది. ఆగస్టు 9 నుంచి ఈ వెబ్ సిరీస్ స్ట్రీమింగ్ కానుంది. ఇప్పటికే చాలా మంది హీరోయిన్స్ వెబ్ సిరీస్ తో సక్సెస్ అయ్యారు. రీసెంట్ గా స్టార్ హీరోయిన్ తమన్నా కూడా వెబ్ సిరీస్ తో మరింత క్రేజ్ తెచ్చుకుంది.

Against the backdrop of illegal mining, unexplained deaths, displaced communities and a missing father, Priya uncovers a dark international conspiracy around nuclear power that would endanger her life and the future of the country. pic.twitter.com/Pk93wWWTNH

— Sony LIV (@SonyLIV) July 13, 2023