Manchu Lakshmi: మంచు లక్ష్మి ఇంటిని ఎప్పుడైనా చూశారా.? అమ్మాయిలు ఆ రూమ్‌ చూస్తే కచ్చితంగా కుళ్లుకోవాల్సిందే.

Manchu Lakshmi Home Tour: మంచు లక్ష్మి.. ఈ పేరు ప్రత్యేకంగా పరిచయం చేయాల్సిన అవసరం లేదు. సీనియర్‌ నటుడు మోహన్‌ బాబు నట వారసత్వం ఉన్నా తనకంటూ ఓ ప్రత్యేక గుర్తింపును సంపాదించుకున్నారు లక్ష్మి. అమెరికాలో విద్యనభ్యసించి అక్కడ కొన్ని చిత్రాల్లో నటించిన లక్ష్మి.. తర్వాత ఇండియా వచ్చారు. తెలుగులో తొలి సినిమా ‘అనగనగ ఓ ధీరుడు’లో నటించారు. తొలి సినిమాలోనే నెగిటివ్‌ రోల్‌లో నటనకు ప్రాధాన్యత ఉన్న పాత్రలో నటించిన అందరి దృష్టిని ఆకర్షించారు. మొదటి చిత్రంలోనే నంది అవార్డును సొంతం చేసుకున్నారు లక్ష్మి.

ఇక కేవలం నటనకే పరిమితం కాకుండా నిర్మాతగా, వ్యాఖ్యాతగా కూడా ఆకట్టుకున్నారు. ఇటీవలో ‘ఆహా’ ఓటీటీ వేదికగా ‘ఆహా.. భోజనంబూ’ షోతో ఓటీటీలోకి కూడా అడుగు పెట్టారు. ఇక సినిమాలతో పాటు ఇతర కార్యక్రమాలతో బిజీ బిజీగా గడిపే మంచు లక్ష్మి.. సోషల్‌ మీడియాలోనూ చాలా బిజీగా ఉంటుంది. ఈ క్రమంలోనే తన కూతురితో చేసే సందడిని అభిమానులతో పంచుకుంటుంది లక్ష్మి. తన సినిమా విశేషాలతో పాటు వర్కవుట్లకు సంబంధించిన వివరాలను ఎప్పటికప్పుడు అభిమానులతో షేర్‌ చేసుకుంటుంది. ఇందులో భాగంగానే తాజాగా తన ఇంటిని అభిమానులకు పరిచయం చేస్తూ.. ‘మై హోమ్‌ టూర్‌’ అనే వీడియోను విడుదల చేశారు. ఇందులో తన ఇంటి మొత్తాన్ని చూపించారు లక్ష్మి. ముఖ్యంగా తన మేకప్‌ గది, ఆఫీస్‌ రూమ్‌, మినీ సినిమా థియేటర్‌ ఆకట్టుకుంటున్నాయి. ఇక లక్ష్మి తన హ్యాండ్‌ బ్యాగ్స్‌ కలెక్షన్‌ను చూపిస్తూ.. ‘అమ్మాయిలు ఇది చూసి మీరు కుళ్లుకుంటారు లేదా సంతోషిస్తారు’ అని చెప్పుకొచ్చారు. మంచు లక్ష్మి చెప్పులు, హ్యాండ్ బ్యాగ్స్‌ కలెక్షన్‌ చూస్తే అమ్మాయిలు నిజంగానే కుళ్లుకుంటారనడంలో ఎలాంటి సందేహం ఉండదేమో. మరి మంచు లక్ష్మి ఇల్లు ఎలా ఉందో మీరూ చూసేయండి.

Also Read: ప్రపంచంలోనే అతి చిన్న నది.. అక్కడి నీరు ఎండకాలంలో చల్లగా .. చలికాలంలో వెచ్చగా ఉంటాయి.. ఎక్కడుందంటే..

Sonu Sood: షూటింగ్‌ స్పాట్‌లో ఏడ్చేసిన సోనూసూద్‌… బ్లాక్‌ బ్లస్టర్‌ రావాలంటే ఇది తప్పదంటూ పోస్ట్‌..

Banking Customers: మీకు ఇలాంటి మెసేజ్‌లు వచ్చాయా..? వాటిని క్లిక్‌ చేయకండి.. కొత్త రకం ఫిషింగ్‌ దాడి