Vishwak Sen: కరోనా భారిన పడ్డ పాగల్ హీరో.. క్యారంటైన్‏లో ఉన్నానంటూ ట్వీట్ చేసిన విశ్వక్ సేన్..

దేశంలో మరోసారి కరోనా మహామ్మారి పంజా విసురుతోంది. ఇటీవల తగ్గిన కోవిడ్ కేసులు ప్రస్తుతం గణనీయంగా పెరగడం ఆందోళనకు

Vishwak Sen

Rajitha Chanti |

Updated on: Dec 31, 2021 | 4:06 PM

దేశంలో మరోసారి కరోనా మహామ్మారి పంజా విసురుతోంది. ఇటీవల తగ్గిన కోవిడ్ కేసులు ప్రస్తుతం గణనీయంగా పెరగడం ఆందోళనకు గురిచేస్తుంది. సినీ పరిశ్రమ మరోసారి కోవిడ్ మహామ్మరి కోరలు చాస్తోంది. గత కొద్దిరోజులుగా స్టార్ సెలబ్రెటీలు కోవిడ్ బారిన పడుతున్నారు. టాలీవుడ్, బాలీవుడ్, కోలీవుడ్ ఇలా అన్ని ఇండస్ట్రీలలో కరోనా కలకలం సృష్టిస్తోంది. తమిళ్ స్టార్ హీరో కమల్ హాసన్ కరోనా బారిన పడి ఇటీవలే కోలుకోగా.. బాలీవుడ్ బ్యూటీ కరీనా కపూర్, నోరా ఫతేహి… అర్జున్, మహేష్ బాబు వదిన శిల్ప శిరోద్కర్ కోవిడ్ సోకిన సంగతి తెలిసిందే. తాజాగా టాలీవుడ్ యంగ్ హీరో విశ్వక్ సేన్ కోవిడ్ బారిన పడ్డారు. ఈ విషయాన్ని విశ్వక్ సేన తన ట్విట్టర్ ఖాతా ద్వారా తెలియజేశారు.

ఇటీవలే నాకు కరోనా పాజిటివ్ అని తేలింది. ప్రస్తుతం వైద్యుల సూచనలతో క్యారంటైన్‏లో ఉండి చికిత్స తీసుకుంటున్నాను.. వ్యాక్సిన్ వేయించుకున్నాక కూడా కరోనా దావానంలా వ్యాపిస్తోంది. దయచేసి అందరు మాస్కులు ధరించి జాగ్రత్తగా ఉండండి. మీ ప్రేమాభిమానాలకు ధన్యవాదాలు అంటూ ట్వీట్ చేశారు విశ్వక్ సేన్. దీంతో తమ అభిమాన హీరో త్వరగా కోలుకోవాలంటూ కామెంట్స్ చేస్తున్నారు విశ్వక్ ఫ్యాన్స్. ఇటీవల పాగల్ సినిమాతో ప్రేక్షకుల ముందుకు వచ్చిన విశ్వక్ సేన్ ప్రస్తుతం ఓరి దేవుడా సినిమా చేస్తున్నారు.