ముసిముసి నవ్వులతో ముద్దులొలుకుతున్న ఈ ముద్దుగుమ్మ ఎవరో కనిపెట్టండి చుద్దాం..

స్టార్ హీరోయిన్ గా ఎదగాలంటే గ్లామర్ ఉంటే సరిపోదు..ఎంతోకంత టాలెంట్ ఉండాలి. అందం అభినయం కలగలిపిన ముద్దుగుమ్మల్లో ఈ వయ్యారి భామ కూడా ఒకరు.

Rajeev Rayala |
Updated on: Dec 31, 2021 | 11:29 AM

స్టార్ హీరోయిన్ గా ఎదగాలంటే గ్లామర్ ఉంటే సరిపోదు..ఎంతోకంత టాలెంట్ ఉండాలి. అందం అభినయం కలగలిపిన ముద్దుగుమ్మల్లో ఈ వయ్యారి భామ కూడా ఒకరు. నటనతో ప్రేక్షకులను కట్టిపడేయడంలో ఈ అమ్మడు దిట్ట అనే చెప్పాలి. చేసింది తక్కువ సినిమాలే అయినా ప్రేక్షకుల మనస్సులో స్థానం సంపాదించుకుంది ఈ బ్యూటీ. పై ఫొటోలో బెలూన్స్ తో ఆడుకుంటూ.. ముసిముసి నవ్వులు పూయిస్తున్న ఈ చిన్నది ఎవరో గుర్తుపట్టారా.. మణిరత్నం దర్శకత్వం వహించిన సినిమాతో తెలుగు ప్రేక్షకులకు పరిచయం అయ్యి మంచి గుర్తింపు తెచ్చుకుంది. వరుసగా తెలుగు సినిమాల్లో ఆఫర్లు అందుకుంటూ దూసుకుపోతుంది. నటనకు ప్రాధాన్యత ఉన్న పాత్రలను ఎంచుకుంటుంది ఈ బ్యూటీ. ఈ ఫొటోలోని చిన్నది కళ్ళతోనే భావాలను పలికించగల నటి. ఇంతకు ఈ ముద్దుగుమ్మ ఎవరంటే..

మణిరత్నం తెరకెక్కించిన చెలియా సినిమాతో తెలుగు ప్రేక్షకులను పలకరించింది వయ్యారి భామ అదితిరావ్ హైదరి. అంతకు ముందు పలు హిందీ, తమిళ్ సినిమాల్లో నటించినా.. చెలియా సినిమ తెలుగులో కూడా డబ్ అవ్వడంతో ఇక్కడి ప్రేక్షకులకు పరిచయం అయ్యింది. ఈ సినిమా తర్వాత తెలుగులో సమ్మోహనం సినిమాలో నటించింది. ఇంద్రగంటి మోహన్ కృష్ణ దర్శకత్వం వహించిన ఈ సినిమా కూడా మంచి విజయాన్ని అందుకుంది. ఆతర్వాత రీసెంట్ గా మహాసముద్రం సినిమాలో నటించి మెప్పించింది ఈ బ్యూటీ. కేవలం తెలుగు సినిమాలోనే కాకుండా తమిళ్, హిందీ భాషల్లోనూ సినిమాలు చేస్తుంది ఈ బ్యూటీ. తాజాగా ఈ అమ్మడి చిన్ననాటి ఫోటో ఒకటి సోషల్ మీడియాలో చక్కర్లు కొడుతుంది.