Prabhas: మార్షల్ ఆర్ట్స్ వస్తే ప్రభాస్ సినిమాలో నటించే ఛాన్స్.. అనౌన్స్ చేసిన మేకర్స్.. ఏ మూవీలో తెలుసా..

యంగ్ రెబల్ స్టార్ ప్రభాస్ (Prabhas) ప్రస్తుతం చేతి నిండా సినిమాలతో ఫుల్ బిజీగా ఉన్నారు. ఇప్పటికే విడుదలైన రాధేశ్యామ్ సినిమా మిక్స్డ్ టాక్ సొంతం చేసుకున్న

Prabhas

Rajitha Chanti |
Updated on: Apr 22, 2022 | 2:37 PM

యంగ్ రెబల్ స్టార్ ప్రభాస్ (Prabhas) ప్రస్తుతం చేతి నిండా సినిమాలతో ఫుల్ బిజీగా ఉన్నారు. ఇప్పటికే విడుదలైన రాధేశ్యామ్ సినిమా మిక్స్డ్ టాక్ సొంతం చేసుకున్న సంగతి తెలిసిందే. అయితే ఈ మూవీకి ఎక్కువగా నెగిటివ్ టాక్ వచ్చింది. మరోవైపు.. బాలీవుడ్ డైరెక్టర్ ఓంరౌత్ దర్శకత్వంలో ప్రభాస్ నటించిన ఆదిపురుష్ సినిమా విడుదలకు సిద్ధంగా ఉంది. ఈ సినిమాతోపాటు.. సలార్.. స్పిరిట్.. ప్రాజెక్ట్ కే చిత్రాలు షూటింగ్ దశలో ఉన్నాయి. ఇవే కాకుండా.. డైరెక్టర్ మారుతి దర్శకత్వంలోనూ ప్రభాస్ ఓ సినిమా చేయనున్నట్లు గత కొద్ది రోజులుగా వార్తలు చక్కర్లు కొడుతున్నాయి. తాజాగా ప్రభాస్ సినిమాలో నటించేందుకు ఆహ్వానం పలుకుతున్నారు ప్రాజెక్ట్ మేకర్స్. డైరెక్టర్ నాగ్ అశ్విన్, ప్రభాస్ కాంబోలో రాబోతున్న ఈ సినిమా ప్రస్తుతం ప్రాజెక్ట్ కే అనే వర్కింగ్ టైటిల్‏తో తెరకెక్కిస్తున్నారు. ఇందులో నటించేందుకు ఆసక్తి ఉన్నవారి కోసం ఎదురుచూస్తున్నట్లు అధికారికంగా ప్రకటించారు మేకర్స్.

మార్షల్ ఆర్ట్స్ ‏లో టాలెంట్ ఉన్నవారు.. పార్కౌట్ ప్లేయర్స్, న్యూ ఏజ్ యాక్షన్ కొరియోగ్రాఫర్స్ వంటివి వచ్చినవారు ప్రభాస్ సినిమాలో నటించవచ్చని తెలియజేశారు. ఆసక్తి ఉన్నవారు.. projectkstunt@gmail.com అడ్ర‌స్‌కి మెయిల్ చేయాలని తెలిపారు. గతంలోనూ ఈ సినిమాలో నటించేందుకు పలు విభాగాల్లో నటించేందుకు ప్రకటన ఇచ్చారు మేకర్స్. ఈ సినిమా ప్రముఖ నిర్మాణ సంస్థ వైజయంతీ మూవీస్ బ్యానర్ పై నిర్మాత అశ్వినీ దత్ నిర్మిస్తున్నారు. అత్యంత భారీ బడ్జెట్‎తో తెరకెక్కిస్తున్న ఈ మూవీలో ప్రభాస్ సరసన బాలీవుడ్ బ్యూటీ దిపీకా పదుకొణె కథనాయికగా నటిస్తుండగా.. బిగ్ బి అమితాబ్ బచ్చన్ కీలకపాత్రలో నటిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతుంది.

Come on board and let’s create #ProjectK together.#Prabhas @SrBachchan @deepikapadukone @nagashwin7 @VyjayanthiFilms pic.twitter.com/gP5J0i2SV3

— Vyjayanthi Movies (@VyjayanthiFilms) April 21, 2022