Vishal : ‘ఎనిమి’ కాంబో రిపీట్.. భారీ యాక్షన్ ఎంటర్టైనర్‌గా రానున్న విశాల్ 33.. దర్శకుడు ఎవరంటే..

యాక్షన్ హీరో విశాల్ కు తెలుగు‌లోను మంచి ఫాలోయింగ్ సొంతం చేసుకున్నాడు. విశాల్ నటించిన సినిమాలు తెలుగులో కూడా డబ్ అయ్యి మంచి విజయాన్ని అందుకుంటున్నాయి.

Vishal

Rajeev Rayala |
Updated on: Dec 17, 2021 | 10:19 AM

Vishal: యాక్షన్ హీరో విశాల్‌కు తెలుగు‌లోను మంచి ఫాలోయింగ్ సొంతం చేసుకున్నాడు. విశాల్ నటించిన సినిమాలు తెలుగులో కూడా డబ్ అయ్యి మంచి విజయాన్ని అందుకుంటున్నాయి. హిట్లు ఫ్లాప్ లతో సంబంధం లేకుండా వరుస సినిమాలతో ఫుల్ బిజీగా ఉన్నాడు ఈ హీరో. ఇక ఇటీవలే విడుదలైన ఎనిమి సినిమా మంచి టాక్ ను సొంతం చేసుకున్న విషయం తెలిసిందే. విశాల్, మ్యాన్లీ స్టార్ ఆర్య కాంబినేషన్లో వచ్చిన ఎనిమి సూపర్ హిట్ టాక్ తో మంచి కలెక్షన్లు సాధించింది. ఎనిమీ సినిమాను మిని స్టుడియోస్ బ్యానర్ మీద ఎస్ వినోద్ కుమార్ నిర్మించారు. అయితే తాజాగా మరోసారి ఈ కాంబినేషన్ సెట్ అయింది.

విశాల్ హీరోగా ఎస్ వినోద్ కుమార్ మరో సినిమాను నిర్మించబోతన్నారు. ప్యాన్ ఇండియన్ స్థాయిలో రాబోతోన్న ఈ ప్రాజెక్ట్‌కు సంబంధించిన అప్డేట్‌ను మేకర్లు ప్రకటించారు. విశాల్ కెరీర్‌లో 33వ సినిమాగా రాబోతోన్న ఈ ప్రాజెక్ట్‌కు అధిక్ రవిచంద్రన్ దర్శకుడిగా వ్యవహరించబోతోన్నారు. ఈ సినిమా యాక్షన్ ఎంటర్ టైనర్ గా తెరకెక్కనుందని తెలుస్తుంది. భారీ ఎత్తున నిర్మించబోతోన్న ఈ సినిమాకు సంబంధించిన పూర్తి వివరాలను త్వరలోనే చిత్రయూనిట్ వెల్లడించనుంది.

మరిన్ని ఇక్కడ చదవండి :