అప్పు.. అప్పటికీ ఇప్పటికీ ఎంత మార్పు.!! సినిమాలకు గుడ్ బై చెప్పేసిన హ్యాపీడేస్ నటి

సెన్సబుల్ డైరెక్టర్ శేఖర్ కమ్ముల దర్శకత్వంలో తెరకెక్కిన హ్యాపీడేస్ సినిమా మంచి హిట్ అందుకుంది. ముఖ్యంగా ఈ సినిమాలోని క్యారెక్టర్స్ యువతకు చాలా దగ్గరగా ఉండటంతో అంతా సినిమాకు కనెక్ట్ అయ్యారు. ఇంజనీరింగ్ కాలేజ్ లో స్నేహం, ప్రేమ, గొడవలు అన్నీ యువతను బాగా ఆకట్టుకున్నాయి. అయితే ఈ సినిమాలో నటించిన అందరు ఇప్పుడు మంచి పొజిషన్ లో ఉన్నారు. తమన్నా స్టార్ హీరోయిన్ గా రాణిస్తుంది. అలాగే వరుణ్ సందేశ్ హీరోగా సినిమాలు చేస్తున్నాడు. ఇక నిఖిల్ హీరోగా వరుస సినిమాలు చేస్తూ దూసుకుపోతున్నాడు. అయితే ఈ సినిమాలో అప్పుగా నటించిన అమ్మాయి గుర్తుందా..?  సినిమాలో టామ్ బాయ్ గా కనిపించి ఆకట్టుకుంది.

అప్పుగా నటించిన ఆ అమ్మడు పేరు గాయత్రి రావు. సీనియర్ నటి అయిన బెంగళూరు పద్మ కూతురు ఈమె. హ్యాపీడేస్ సినిమా తర్వాత గాయత్రి రావుకు వరుస ఆఫర్లు వస్తాయని అంతా అనుకున్నారు… కానీ ఆమెను అవకాశాలు పలకరించలేదు. ఆ తర్వాత చాలా కాలానికి పవర్ స్టార్ పవన్ కళ్యాణ్ నటించిన గబ్బర్ సింగ్ సినిమాలో నటించింది. అందులో హీరోయిన్ స్నేహితురాలిగా నటించింది గాయత్రి రావు. ఆ సినిమా కూడా ఈమెకు వరుస ఆఫర్లు తెచ్చి పెట్టలేదు.

ఆతర్వాత చిన్నచిన్న సినిమాల్లో నటించింది. ఇక 2019 లో పెళ్లి చేసుకుని చెన్నైలో స్థిరపడింది. పెళ్లితర్వాత గాయత్రి రావు గుర్తుపట్టలేనంతగా మారిపోయారు. పెళ్లి తర్వాత సినిమాలకు దూరం అయ్యింది గాయత్రీ రావు.  ఆ తర్వాత మరెక్కడ కనిపించలేదు. అలాగే సోషల్ మీడియాకు సైతం దూరంగా ఉంటుంది అప్పు. గాయత్రి రావు పెళ్ళిఫోటోలు, ఇప్పుడు వైరల్ గా చక్కర్లు కొడుతున్నాయి.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.