బన్నీ కోసం విలన్ల వేటలో సుకుమార్ .. ఏకంగా తొమ్మిదిమందిని దింపుతున్నాడట !

స్టైలిష్ స్టార్ అల్లు అర్జున్ ప్రస్తుతం సుకుమార్ దర్శకత్వంలో ‘పుష్ప’ అనే సినిమా చేస్తున్న విషయం తెలిసిందే. కరోనా కారణంగా వాయిదా పడిన ఈ సినిమా షూటింగ్ ఇటీవలే తిరిగి ప్రారంభమైంది. ఈ సినిమా గంధపు చక్కల స్మగ్లింగ్ నేపథ్యంలో సినిమా ఉండబోతుందని తెలుస్తుంది. ఈ సినిమాలో బన్నీ పుష్పరాజ్ అనే  లారీ డ్రైవర్ పాత్రలో కనిపించనున్నాడు. ఇక ఈ సినిమాలో అందాల భామ రష్మిక హీరోయిన్ గా నటిస్తుంది.

‘పుష్ప’లో బన్నీని ఢీ కొట్టే విలన్ కోసం గాలిస్తున్నాడట సుకుమార్. ముందుగా తమిళ్ స్టార్ హీరో విజయ్ సేతుపతిని ఎంపిక చేశారు . కానీ అనుకొని కారణాల వల్ల ఆయన ఈ సినిమానుంచి తప్పుకున్నారు. ఆతర్వాత ‘వరుడు’ సినిమాలో అల్లు అర్జున్ కు విలన్ గా నటించిన ఆర్య పేరు వినిపించింది. ‘సరైనోడు’ సినిమాలో ప్రతినాయకుడిగా చేసిన ఆదిపినిశెట్టి పేరు కూడా వచ్చింది. ఇక ‘డిస్కోరాజా’ సినిమాతో విలన్ గా మారిన సునీల్ పేరు కూడా వినిపించింది. తాజాగా ఈ సినిమాకు సంబంధించిన మరో వార్త ఫిలింనగర్లో చక్కర్లు కొడుతుంది.  బన్నీ ఈ సినిమాలో ఏకంగా తొమిదిమంది విలన్లను ఢీ కొట్టనున్నాడట. పాతకాలం సినిమాల్లోలా ఎక్కువమంది విలన్ లను ‘పుష్ప’ లో చూపించబోతున్నారని ప్రచారం జరుగుతుంది. ఇందుకు సంబంధించిన బేసిక్ వర్క్ కూడా జరిగిందంటున్నారు. మరి ఈ వార్తల్లో నిజమెంత అన్నది తెలియాలంటే కొంతకాలం ఎదురుచూడాల్సిందే ..