Suguna Sundari: సుగుణ సుందరి వచ్చేసింది.. ఆడియన్స్ ను ఊపేస్తున్న తమన్ మ్యూజిక్.. మీరూ ఓ లుక్కేసేయండి..
నందమూరి బాలకృష్ణ, శ్రుతి హాసన్ జంటగా నటిస్తోన్న చిత్రం ‘వీర సింహారెడ్డి’ నుంచి హుషారైన లిరికల్ సాంగ్ రిలీజ్ అయింది. ఇందులో భాగంగా ‘సుగుణ సుందరి’ పాటను చిత్రబృందం రిలీజ్ చేసింది.
Updated on: Dec 15, 2022 | 1:25 PM
నందమూరి బాలకృష్ణ, శ్రుతి హాసన్ జంటగా నటిస్తోన్న చిత్రం ‘వీర సింహారెడ్డి’ నుంచి హుషారైన లిరికల్ సాంగ్ రిలీజ్ అయింది. ఇందులో భాగంగా ‘సుగుణ సుందరి’ పాటను చిత్రబృందం రిలీజ్ చేసింది. ‘సీమా కుట్టిందే.. సిట్టి సీమా కుట్టిందే.. దిల్లు కందిపోయే లాగా దిట్టంగా కుట్టిందే’ అనే లిరిక్స్ తో సాగుతున్న ఈ పాట మాస్, క్లాస్ అనే భేదం లేకుండా అందరినీ ఆకట్టుకుంటోంది. గోపీచంద్ మలినేని దర్శకత్వం వహిస్తున్న ఈ చిత్రం సంక్రాంతి కానుకగా జనవరి 12న విడుదల కానుంది. బాలకృష్ణ నటించిన యాక్షన్, పవర్ ప్యాక్ట్ చిత్రం వీరసింహారెడ్డి. అఖండ తర్వాత ఈ చిత్రానికి ఎస్ఎస్.తమన్ మ్యూజిక్ ఇస్తున్నారు. సంక్రాంతి రిలీజ్ అవుతున్న ఈ చిత్రానికి ప్రమోషన్స్ జోరుగా సాగుతున్నాయి. ఇందులో భాగంగా డిసెంబర్ 15 న (గురావారం) సుగుణ సుందరి పాటను రిలీజ్ చేశారు.
బాలకృష్ణ, శృతిహాసన్పై చిత్రీకరించిన సుగుణ సుందరి పాటకు శేఖర్ మాస్టర్ నృత్యాలు సమకూర్చాడు. రామజోగయ్యశాస్త్రీ సాహిత్యం అందించారు. రామ్ మిర్యాల, స్నిగ్ద శర్మ పాడిన పాటకు సంగీత దర్శకుడు తమన్ మ్యూజిక్ అందించారు. మాస్, మసాలాతో కూడిన ఈ పాటను రామ్ మిర్యాల, స్నిగ్ద మంచి జోష్తో పాడగా, బాలయ్య, శృతి హాసన్ పాటలో చెలరేగిపోయారు. బాలయ్య, శృతి హాసన్ మధ్య కెమిస్ట్రీ మాస్, క్లాస్ అదుర్స్ అనే విధంగా కనిపించింది.
ఫ్యాక్షన్, యాక్షన్ కథాంశంతో రూపొందుతున్న ఈ సినిమాలో దునియా విజయ్, వరలక్ష్మీ శరత్ కుమార్ కీలక పాత్రలు పోషిస్తున్నారు. బుర్రా సాయి మాధవ్ మాటలు అందించారు. పవర్ఫుల్ డైలాగ్స్ ఇప్పటికే టీజర్లో పేలిపోవడంతో ఈ సినిమాపై భారీ అంచనాలు నెలకొన్నాయి.
మరిన్ని సినిమా వార్తల కోసం క్లిక్ చేయండి..
