Kevvu Karthik: కెవ్వు కార్తీక్ కేక పుట్టించాడు.. వెండితెరపై కమల్ హాసన్, బుల్లితెరపై కార్తీక్..

జబర్థస్త్ కామెడీ షో.. గత కొన్ని సంవత్సరాలుగా బుల్లితెర ప్రేక్షకులను అలరిస్తూ టాప్ స్థానంలో దూసుకుపోతుంది. ఈ కామెడీ షో ద్వారా ఎంతో మంది కమెడియన్స్ గుర్తింపు పొందిన సంగతి తెలిసిందే. బుల్లితెరపై తమదైన స్టైల్లో ప్రేక్షకులను కడుపుబ్బా నవ్విస్తున్నారు. ఇక ఇటీవల ప్రారంభంమైన శ్రీదేవి డ్రామా కంపెనీ కూడా ఫుల్ జోష్‏లో దూసుకుపోతుంది. ప్రముఖ కమెడియన్ సుధీర్ హోస్ట్‏గా వ్యవహరిస్తున్న ఈ షో.. బుల్లితెరపై టాప్ రేటింగ్‏తో దూసుకుపోతుంది. కామెడీతోపాటు.. మోటివేషనల్ స్క్రిట్స్ చేస్తూ ఆడియన్స్‏ను ఆకట్టుకుంటుంది శ్రీదేవి డ్రామా కంపెనీ. జబర్థస్త్ కామెడీలో కనిపించే హైపర్ ఆది, వర్ష, ఇమాన్యుయేల్, కెవ్వు కార్తీక్ కూడా ఈ శ్రీదేవి డ్రామా కంపెనీలో అలరిస్తున్నారు.

ఇక షోలో జడ్జిగా నటి ఇంద్రజ వ్యవహరిస్తుండగా.. ఇప్పటికే ఈ షోలోకి పలువురు స్పెషల్స్ గెస్ట్స్ కూడా వచ్చి సందడి చేశారు. ఇక వచ్చే ఆదివారం ఎపిసోడ్‎ను సూపర్ స్టార్ రజినీకాంత్ కోసం చేశారు. రజినీ పుట్టిన రోజు సందర్భంగా అందరూ డిఫరెంట్ కాన్సెప్ట్‏తో రజినీ స్టైల్ ఫాలో అయ్యారు. అయితే శ్రీదేవి డ్రామా కంపెనీలో కేవ్వు కార్తిక్ మాత్రం కాస్త విభిన్నంగా ఆలోచించాడు. మరుగుజ్జు వాళ్ల కోసం.. వారిలాగే మారి ఓ స్కిట్ వేశాడు. మరుగుజ్జులా మారిన కార్తిక్ ఆ స్కిట్ కోసం చాలా కష్టపడినట్లుగా కనిపిస్తోంది. యూనివర్సల్ స్టార్ కమల్ హాసన్ ప్రధాన పాత్రలో నటించిన విచిత్ర సోదరులు సినిమాలోని పాత్రను సెలక్ట్ చేసుకుని అందరిని ఏడిపించేశాడు కార్తీక్. మరుగుజ్జుగా ఉన్న కార్తీక్ ఓ అమ్మాయిని ఇష్టపడగా.. పొట్టిగా ఉన్నావంటూ మధ్యలోనే వదిలేసి వెళ్లిపోతుంది. మధ్యలో వదిలేసి వెళ్లిపోతావా ? అని కార్తిక్ అడగ్గా… ఆ దేవుడే నిన్ను మధ్యలో వదిలేశాడు అని రివర్స్ ఆన్సర్ ఇచ్చి వెళ్లిపోతుంది. దీంతో కార్తిక్ ఎమోషనల్ అవుతూ.. అమ్మాయితో ఏడడుగులు నడవాలంటే ఆరడుగుల పొడవుండాలని మా అమ్మనాన్నలకు తెలయదేమో.. అందరూ నా ఆకారాన్నే చూస్తున్నారు.. కానీ నా మనసును చూడడం లేదేంటిరా ? అంటూ కన్నీళ్లు పెట్టుకున్నాడు కార్తీక్. తన నటనతో అందరిచేత కంటతడి పెట్టించాడు కార్తీక్. ఈ స్కిట్‏తో కమల్ పాత్రను మరిపించాడని.. కార్తీక్ పర్ఫామెన్స్ చూసి ప్రశంసిస్తున్నారు నెటిజన్స్. వెండితెరపై కమల్ హాసన్.. బుల్లితెరపై కెవ్వు కార్తీక్ అని.. తన నటనకు.. డెడికేషన్‏కు హ్యాట్సాఫ్ అంటూ ప్రశంసలు కురిపిస్తున్నారు నెటిజన్స్.

Also Read: Katrina- Vicky kaushal: కత్రినా- విక్కీల ప్రి వెడ్డింగ్ సెలబ్రేషన్స్ షురూ !.. ఆహ్వానితుల జాబితా ఇదే!

Anupama Parameswaran: పరువపు వాన కురిపిస్తున్న పరమేశ్వరన్.. అనుపమ అందాలు ఆపాతరమా..