RRR : ఆర్ఆర్ఆర్ టైటిల్ పెట్టడానికి కారణం అదే.. అసలు విషయం చెప్పేసిన జక్కన్న..

దర్శకధీరుడు రాజమౌళి తెరకెక్కించిన ఆర్ఆర్ఆర్ మూవీ కోసం దేశవ్యాప్తంగా అభిమానులు వెయిట్ చేస్తున్నారు. అత్యంత ప్రతిష్టాత్మకంగా భారీ బడ్జెట్‏తో జక్కన్న రూపొందించిన ఈ మూవీపై అంచనాలు భారీగా ఉన్నాయి. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ప్రధాన పాత్రలలో నటించిన ఈ సినిమా జనవరి 7న ప్రేక్షకుల ముందుకు రానుంది. ఈ క్రమంలో సినిమా ప్రమోషన్స్ వేగవంతం చేసింది చిత్రయూనిట్. అన్ని భాషల ప్రేక్షకులను ఆకట్టుకునేందుక్క జక్కన్న అండ్ టీం వరుస ప్రమోషన్స్ చేస్తూ బిజీగా ఉన్నారు. సౌత్ టూ నార్త్ ప్రేక్షకులకు ఆర్ఆర్ఆర్ సినిమాపై రోజు రోజూకీ క్యూరియాసిటీని పెంచేస్తున్నారు. వరుస ఇంటర్వ్యూలు, ప్రీ రిలీజ్ ఈవెంట్స్‏తో ఫుల్ బిజీగా ఉంది చిత్రయూనిట్. ఈ క్రమంలో ఇటీవల ది కపిల్ శర్మ షోలో ఆర్ఆర్ఆర్ టీం పాల్గొన్న సంగతి తెలసిందే. ఈ నేపథ్యంలో ఆర్ఆర్ఆర్ టైటిల్ వెనుక ఉన్న అసలు విషయాన్ని బయటపెట్టారు రాజమౌళి.

ఈ సందర్భంగా రాజమౌళి మాట్లాడుతూ.. ఈ సినిమా ప్రారంభించినప్పుడు ఏ టైటిల్ పెట్టాలో అర్థం కాలేదు. దీంతో ఎన్టీఆర్, రామ్ చరణ్, రాజమౌళి ఇలా ముగ్గురి పేర్లు కలిసేలా (ఆర్ఆర్ఆర్) అనుకున్నాం. సోషల్ మీడియాలో కూడా ఆ పేరుతోనే అప్డేట్స్ ఇచ్చాం. అన్ని భాషల నుంచి ఆర్ఆర్ఆర్‎‏కు మంచి స్పందన రావడంతో అదే పేరును కన్ఫార్మ్ చేశాం. నిజానికి ఆర్ఆర్ఆర్ అంటే రౌద్రం, రణం, రుధిరం అని చెప్పుకొచ్చారు జక్కన్న. ఇదిలా ఉంటే ఆర్ఆర్ఆర్ సినిమాలో బాలీవుడ్ బ్యూటీ అలియా భట్, హాలివుడ్ ముద్దుగుమ్మ ఒలివియా మోరీస్ హీరోయిన్లుగా నటించగా.. బాలీవుడ్ స్టార్ హీరో అజయ్ దేవగణ్, శ్రియ కీలకపాత్రలలో నటించారు. ఇటీవల విడుదలైన ఈ మూవీ ట్రైలర్ యూట్యూబ్‏లో రికార్డ్స్ క్రియేట్ చేస్తోంది. దేశవ్యాప్తంగా ఉన్న అభిమానులు ఎదురుచూస్తున్న ఈ మూవీ జనవరి 7న ప్రేక్షకుల ముందుకు రానుంది.

Also Read: Pushpa Deleted Scene: సీన్ అదిరిపోయింది ఎందుకు తీసేశారబ్బా..! పుష్ప డెలిటెడ్ సీన్..

Ram Charan: శంకర్‌ సినిమాకు రామ్‌చరణ్‌ రెమ్యునరేషన్‌ రూ.100 కోట్లు..? క్లారిటీ ఇచ్చేసిన చెర్రీ..

ముసిముసి నవ్వులతో ముద్దులొలుకుతున్న ఈ ముద్దుగుమ్మ ఎవరో కనిపెట్టండి చుద్దాం..

Vijay Devarakonda’s Liger: ఛాయ్ వాలా టు బాక్సర్… అదిరిపోయిన విజయ్ దేవరకొండ లైగర్ గ్లిమ్ప్స్