రికార్డుల పరంపర కొనసాగిస్తున్న అలా వైకుంఠపురంలో.. తాజాగా మరొకటి తన ఖాతాలో వేసుకుంది..

ఏ క్షణాన అలా వైకుంఠపురం సినిమా మొదలెట్టారో కానీ రికార్డుల మెత మోగిస్తోంది. సంక్రాంతికి బరిలో నిలిచిన ఈ సినిమా అందరి అంచనాలను తలకిందులు చేసి బ్లాక్‌బస్టర్‌గా నిలిచింది. అల్లుఅర్జున్ కెరీర్‌లోనే ఓ మైలురాయిగా నిలిచిపోయింది. పలు చోట్ల బాహుబలి రికార్డులను బద్దలుకొట్టింది. మాటల మాంత్రికుడు త్రివిక్రమ్ దర్శకత్వలో వచ్చిన ఈ సినిమాను గీతా ఆర్ట్స్ క్రియేషన్స్ నిర్మించారు.

ఈ సినిమాలోని అన్ని పాటలు యూట్యూబ్‌లో రికార్డు క్రియేట్ చేశాయి. ముఖ్యంగా బుట్టబొమ్మ సాంగ్ గురించి చెప్పనవసరం లేదు. ఈ సాంగ్‌కు ప్రముఖ క్రికెటర్ డేవిడ్ వార్నర్ డ్యాన్స్ చేసి అందరిని అలరించాడు కూడా. అంతేకాకుండా ఈ సినిమా ట్రైలర్‌ను అత్యధిక మంది వీక్షించిన రికార్డు కూడా నమోదైంది. ఇందులో హీరోయిన్‌గా పూజాహెగ్డే నటించగా టబు, జయరాం, సుశాంత్, నవదీప్, నివేదాపేతురాజ్, సముద్రఖని ఇతర తారాగణం నటించారు. అయితే తాజాగా ఈ సినిమా మరో రికార్డును కైవసం చేసుకుంది. నెట్‌ఫ్లిక్స్‌‌లో సౌత్ ఇండియా టాప్ 10 సినిమాల్లో ఈ సినిమా తొలి స్థానంలో నిలిచింది. ఆ తర్వాతి స్థానాల్లో దుల్కర్ సల్మాన్ నటించిన కన్నం కన్నం కొల్లయ్యదితల్, మళయాళ చిత్రం కప్పెలా, తర్వాత ఉమామహేశ్వర ఉగ్ర రూపస్య ఉన్నాయి. ఇలా రికార్డుల పరంపర కొనసాగిస్తుంది అలా సినిమా.