‘విధ్వంసం సృష్టించిన వాడిని చరిత్ర ఎప్పటికీ మరవదు’.. గూస్‌ బంప్స్ వచ్చేలా ఘోస్ట్ ట్రైలర్‌

కన్నడ స్టార్ హీరో శివ రాజ్‌ కుమార్ హీరోగా తెరకెక్కుతోన్న చిత్రం ‘ఘోస్ట్‌’. శివ రాజ్‌ కుమార్ హీరోగా తెరకెక్కుతోన్న తొలి పాన్‌ ఇండియా చిత్రం ఇదే కావడం విశేషం. శ్రీని దర్శకత్వం వహిస్తున్న ఈ చిత్రాన్ని అత్యంత ప్రతిష్టాత్మకంగా తెరకెక్కిస్తున్నారు. బీర్బల్ వంటి బ్లాక్‌బస్టర్‌ చిత్రానికి దర్శత్వం వహించి శ్రీని ఈ సినిమాను పాన్‌ ఇండియా స్థాయిలో తెరకెక్కిస్తున్నారు. ఈ చిత్రానికి సంబంధించిన ఇప్పటికే విడుదలైన ఫస్ట్‌ లుక్‌, టీజర్‌ చిత్రంపై భారీ అంచనాలు పెంచేశాయి.

సందేశ్‌ నాగరాజు నిర్మాతగా మారి తెరకెక్కిస్తోన్న ఈ సినిమాను పూర్తిస్థాయి యాక్షన్‌ ఓరియెంటెడ్‌ మూవీగా తెరకెక్కిస్తున్నారు. ఇక తాజాగా ఈ సినిమాకు సంబంధించిన ట్రైలర్‌ను చిత్ర యూనిట్ విడుదల చేసింది. ట్రైలర్‌తో సినిమా అంచనాలు ఒక్కసారిగా ఆకాశాన్ని అంటాయి. హై యాక్షన్ థ్రిల్లర్‌గా తెరకెక్కిన ఈ సినిమా ట్రైలర్‌ అంచనాలను మరింతగా పెంచాయనడంలో ఎలాంటి సందేహం లేదు. 2.11 నిమిషాల నిడివి ఉన్న ఈ సినిమా ట్రైలర్‌ మొత్తం విధ్వంసలా ఉందని చెప్పాలి. శివరాజన్‌ నటన, యాక్షన్‌ సన్నివేశాలు ట్రైలర్‌కే హైలెట్‌గా నిలిచాయి.

ఇక డైలాగ్స్‌ కూడా ఓ రేంజ్‌లో ఉన్నాయని చెప్పాలి. . ‘యుద్దం మానవ ప్రపంచానికి మానని ఓ గాయం.. ఇలాంటి యుద్దాల వల్ల సామ్రాజ్య స్థాపన కంటే.. అవి చేసే నష్టాలే ఎక్కువ అనే డైలాగ్‌తో పాటు సామ్రాజ్యాలను నిర్మించిన వాడిని చరిత్ర ఎన్నో సార్లు మరిచిపోయి ఉండవచ్చు కానీ.. విధ్వంసం సృష్టించే నా లాంటి వాడ్ని మాత్రం చరిత్ర ఎప్పటికీ మరిచిపోదు’ అంటూ.. శివరాజ్‌ కుమార్ చెప్పే డైలాగ్‌ గూస్‌బంబప్స్ తెప్పించేలా ఉంది.

పక్కా కమర్షియల్‌ ఎలిమెంట్స్‌తో తెరకెక్కుతోన్న ఈ సినిమా ప్రేక్షకులను కచ్చితంగా మెస్మరైజ్ చేస్తుందని చిత్ర యూనిట్‌ చెబుతోంది. ఇక బ్యాగ్రౌండ్‌ స్కోర్‌ కూడా ట్రైలర్‌కు మరింత హైప్‌ తీసుకొచ్చిందని చెప్పాలి. ఈ చిత్రాన్ని దసరా కానుకగా అక్టోబర్ 19వ తేదీన విడుదల చేయడానికి చిత్ర యూనిట్‌ సన్నాహాలు చేస్తోంది. తెలుగుతో పాటు భారత్‌లో పలు భాషల్లో పాన్‌ ఇండియా స్థాయిలో ఈ చిత్రాన్ని ప్రతిష్టాత్మకంగా తెరకెక్కిస్తున్నారు. మరి ఈ సినిమాపై శివరాజ్‌ కుమార్‌ ఎలాంటి విజయాన్ని అందుకుంటాడు, పాన్‌ ఇండియా స్థాయిలో విడుదలవుతోన్న ఈ సినిమా ఎలాంటి వండర్స్‌ క్రియేట్ చేస్తుందో తెలియాలంటే మరికొన్ని రోజులు వేచి చూడాల్సిందే.

ఘోస్ట్ ట్రైలర్…

మరిన్ని సినిమా వార్తల కోసం క్లిక్ చేయండి..