‘కొబ్బరిమట్ట’ సాంగ్.. టాప్ హీరోల స్టెప్పులతో ఇరగదీసిన సంపు

‘హృదయకాలేయం’ సినిమాతో టాలీవుడ్‌లో తనకంటూ సపరేట్ గుర్తింపును తెచ్చుకున్నాడు బర్నింగ్ స్టార్ సంపూర్ణేష్ బాబు. ఈయన నటించిన చిత్రం కొబ్బరిమట్ట ఇప్పటికే వాయిదాల మీద వాయిదాలు పడుతూ వస్తోంది. అయితే తాజాగా ఈ మూవీకి విడుదల తేది ఫిక్స్ అయ్యింది. ఆగష్టు 2న ప్రేక్షకుల ముందుకు రానుంది కొబ్బరిమట్ట. అయితే ఈ లోపే ఓ పాటేసుకోండి అన్నట్లుగా ఓ సాంగ్‌ను రిలీజ్ చేసింది మూవీ యూనిట్. అ, ఆ, ఇ, ఈ అంటూ సాగే పాటలో సంపూ తనదైన స్టెప్పులతో అదరగొట్టారు. టాలీవుడ్ టాప్‌స్టార్లను ఇమిటేట్ చేస్తూ అందులో ఇరగదీశాడు సంపూ. ప్రస్తుతం ఈ పాట తెగ వైరల్ అవుతోంది. కొబ్బరిమట్ట మూవీపై మరింత హైప్ పెరగడానికి ఈ సాంగ్ ఒక్కటి చాలంటున్నారు నెటిజన్లు.

కాగా ఈ పాటపై టాలీవుడ్ సెలబ్రిటీలు సాయి ధరమ్ తేజ్, వెన్నెల కిశోర్ సోషల్ మీడియాలో కామెంట్లు పెట్టారు. ‘‘సంపూర్ణేష్ అన్న నువ్వు ఈ పాటను అదరగొట్టావు. సాయి రాజేష్ మీ సాహిత్యానికి హ్యాట్సాఫ్. నీ డ్యాన్స్ మాత్రం సూపర్ సంపూ అన్న’’ అంటూ కామెంట్ పెట్టాడు.

Hahahahaha this is superb @sampoornesh you have nailed it anna… @sairazesh Mee lyrical senseki hats off ??? ….on a serious note your dancing is killer sampoo anna https://t.co/fFEakF6ENN

— Sai Dharam Tej (@IamSaiDharamTej) July 15, 2019

ఇక వెన్నెల కిశోర్ కూడా స్పందిస్తూ.. ’’అద్భుతమైన లిరిక్స్.. అదిరిపోయే స్టెప్పులు.. సాంగ్ ప్రోమో.. సంపూ రాక్స్’’ అంటూ కామెంట్ పెట్టాడు.

కాగా ఈ మూవీలో సంపు త్రిపాత్రాభినయం చేస్తున్నారు. పెదరాయుడు, పాపారాయుడు, ఆండ్రాయిడ్ ఇలా మూడు విభిన్నమూన పాత్రలకు సంబంధించిన లుక్స్‌కు కూడా మహా రెస్పాన్స్ వచ్చింది. ఇక హృదయకాలేయం సినిమాతో సోషల్ మీడియాను షేక్ చేసిన సంపూ కొబ్బరిమట్టతో ఆ సినిమాను బీట్ చేస్తాడనే అనిపిస్తుంది. చూడాలి థియేటర్లో సంపూ మనల్ని ఎంతగా నవ్విస్తాడో.