Rashi Khanna: అందమైన ఫొటోకు అద్భుతమైన స్టేట్‌మెంట్‌ను జతచేసి షేర్ చేసిన రాశీఖన్నా..

కోవిడ్ సెకండ్ వేవ్‌ అల్లకల్లోలం సృష్టిస్తోంది. ఇండస్ట్రీలో కూడా వరుస మరణాలు కలవరపెడుతున్నాయి. షూటింగ్‌లు, సినిమా రిలీజ్‌లు ఆగిపోవటంతో అంతా ఇంటికే పరిమితమయ్యారు.

Rajeev Rayala |
Updated on: May 07, 2021 | 1:34 PM

rashi khanna: కోవిడ్ సెకండ్ వేవ్‌ అల్లకల్లోలం సృష్టిస్తోంది. ఇండస్ట్రీలో కూడా వరుస మరణాలు కలవరపెడుతున్నాయి. షూటింగ్‌లు, సినిమా రిలీజ్‌లు ఆగిపోవటంతో అంతా ఇంటికే పరిమితమయ్యారు. ఈ నేపథ్యంలో హీరోయిన్ రాశీఖన్నా ఇంట్రస్టింగ్ కామెంట్ చేశారు. భవిష్యత్తు బాగుంటుందన్న ఆశ కల్పించే స్టేట్‌మెంట్‌తో ఓ ఫోటోను షేర్ చేశారు.

లెజెండరీ సినిమాటోగ్రాఫర్ పీసీ శ్రీరామ్ తీసిన తన ఫోటోను షేర్ చేస్తూ… `టన్నెల్ చివరన తప్పకుండా లైట్ ఉంటుంది` అంటూ కామెంట్ చేశారు. అంటే ప్రస్తుతం భారత్ ఎదుర్కొంటున్న ఈ చీకటి పరిస్థితుల నుంచి ప్రజలు త్వరలోనే బయట పడతారన్న ఉద్దేశంతోనే ఈ పోస్ట్ చేశారు రాశీ.

నాగచైతన్య హీరోగా తెరకెక్కుతున్న థాంక్యూ సినిమాలో నటిస్తున్న రాశీ ఆ మూవీ షూటింగ్ కోసం ఇటలీ వెళ్లారు. కానీ కరోనా ఆంక్షలతో షూటింగ్‌ ఆగిపోవటంతో అర్థాంతరంగా ప్యాకప్ చెప్పేసి ఇంటి దారి పట్టారు. అలాగే మారుతి దర్శకత్వంలో మ్యాచో హీరో గోపీచంద్ నటిస్తున్న ‘పక్కాకమర్షియల్’ సినిమాలో నటిస్తుంది రాశి. ఈ సినిమా షూటింగ్ త్వరలోనే ప్రారంభంకానుంది. ప్రజెంట్‌ ఐసోలేషన్‌లో ఉన్న ఈ బ్యూటీ ఇలా ఫ్యూచర్‌ మీద ఆశతో ఎదురుచూస్తున్నారు.