ఆ హీరోయిన్ కోసం రాజమౌళి వెయిటింగ్

ఎన్టీఆర్, రామ్ చరణ్ హీరోలుగా రాజమౌళి తెరకెక్కిస్తోన్న ప్రతిష్టాత్మక చిత్రం ఆర్‌ఆర్ఆర్. పీరియాడిక్ కథాంశంతో తెరకెక్కుతోన్న ఈ సినిమాలో ఇంకా హీరోయిన్ల గురించి చిత్ర యూనిట్ అధికారిక ప్రకటన ఇవ్వలేదు. కాగా ఇందులో బాలీవుడ్ బ్యూటీ అలియా భట్ కన్ఫర్మ్ అయినట్లు ఎప్పటినుంచో వార్తలు వినిపిస్తున్నాయి. అయితే ఆమె మాత్రం ఇంకా ఓకే చెప్పనున్నట్లు తెలుస్తోంది.

దీంతో అలియాకు రాజమౌళి భారీ రెమ్యునరేషన్ ఆఫర్ చేయాలని అనుకుంటున్నాడట. ఈ మూవీ కోసం అలియా డేట్స్ ఇస్తే ఆమె కోరినంత రెమ్యునరేషన్ ఇచ్చేందుకు రాజమౌళి సిద్ధమైనట్లు తెలుస్తోంది. కాగా ప్రస్తుతం ఆర్ఆర్ఆర్ రెండో షెడ్యూల్‌ను జరుపుకుంటుండగా.. ఎన్టీఆర్, చెర్రీలపై రాజమౌళి భారీ యాక్షన్ సన్నివేశాలను తెరకెక్కిస్తున్నాడు. డీవీవీ దానయ్య నిర్మిస్తోన్న ఈ చిత్రం వచ్చే ఏడాది ప్రేక్షకుల ముందుకు రానుంది.