‘సలార్’ షూటింగ్ డేట్ ఫిక్స్.. ఆ రోజు నుంచి చిత్రీకరణలో పాల్గొననున్న పాన్ ఇండియా స్టార్ ?..

పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నాడు. ఇటీవల విడుదలైన సాహో సినిమా మంచి విజయం సాధించిన తర్వాత ప్రభాస్ నటిస్తున్న చిత్రం రాధేశ్యామ్. ఈ సినిమాను తొందరగా విడుదల చేయడానికి సన్నాహాలు చేస్తున్నారు చిత్రబృందం. జిల్ ఫేమ్ రాధకృష్ణ కుమార్ దర్శకత్వంలో ప్రముఖ యువీ క్రియేషన్స్, టీసిరీస్ సంస్థలు ఈ చిత్రాన్ని నిర్మిస్తున్నాడు. అయితే వచ్చే ఏడాది సమ్మర్‏లో ఈ సినిమాను విడుదల చేయనున్నట్లుగా తెలుస్తోంది. కాగా ఈ సినిమా తర్వాత ప్రభాస్ మూడు సినిమాలలో నటించనున్నట్లుగా టాక్. ఇటీవల కేజీఎఫ్ డైరెక్టర్ ప్రశాంత్ నీల్‏ దర్శకత్వంలో సలార్ సినిమా తీయబోతున్నట్లుగా ప్రకటించిన సంగతి తెలిసిందే. ఈ సినిమా షూటింగ్‏ను తర్వలోనే ప్రారంభించబోతున్నారట. వచ్చే ఏడాది జనవరి 18 నుంచి సలార్ షూటింగ్‏లో ప్రభాస్ పాల్గొనబోతున్నట్లుగా సమాచారం. కాగా ఈ మూవీ కోసం ప్రభాస్ కంటిన్యూగా 4 నెలల పాటు వర్క్ చేయబోతున్నాడట. సలార్ తర్వాత ఓంరౌత్ దర్శకత్వంలో ఆదిపురుష్.. ఆ తర్వాత నాగ్ అశ్విన్ దర్శకత్వంలో ఓ సినిమా చేయబోతున్నట్లుగా తెలుస్తోంది.