Family Man 3: ఫ్యామిలీ మ్యాన్‌-3లో ద‌క్షిణాదికి చెందిన ప్ర‌ముఖ నటుడు.? ఆ విల‌క్ష‌ణ స్టార్ ఏ పాత్ర‌లో న‌టిస్తాడో..

Family Man 3: ఫ్యామిలీ మ్యాన్ వెబ్ సిరీస్ ఎంతటి సంచ‌లన విజ‌యం సాధించిందో ప్ర‌త్యేకంగా చెప్పాల్సిన ప‌నిలేదు. దేశ వ్యాప్తంగా భాష‌తో సంబంధం లేకుండా ప్ర‌జ‌లు ఈ సిరీస్‌ను తెగ చూసేశారు. ఉగ్ర‌వాదం నేప‌థ్యంలో తెర‌కెక్కిన ఈ సిరీస్...

Family Man Web Series

Narender Vaitla |
Updated on: Jun 20, 2021 | 6:14 AM

Family Man 3: ఫ్యామిలీ మ్యాన్ వెబ్ సిరీస్ ఎంతటి సంచ‌లన విజ‌యం సాధించిందో ప్ర‌త్యేకంగా చెప్పాల్సిన ప‌నిలేదు. దేశ వ్యాప్తంగా భాష‌తో సంబంధం లేకుండా ప్ర‌జ‌లు ఈ సిరీస్‌ను తెగ చూసేశారు. ఉగ్ర‌వాదం నేప‌థ్యంలో తెర‌కెక్కిన ఈ సిరీస్ అంద‌రినీ ఆక‌ట్టుకుంది. ఇక మొద‌టి సిరీస్‌కు కొన‌సాగింపుగా వ‌చ్చిన ఫ్యామిలీ మ్యాన్‌-2 కూడా మంచి రెస్పాన్స్ సంపాదించుకుంది. కరెక్టుగా లాక్‌డౌన్ స‌మ‌యంలో విడుద‌లైన ఈ సిరీస్ మ‌రోసారి దేశం దృష్టిని ఆక‌ర్షించింది. ఇక ఇందులో టాలీవుడ్ ముద్దుగుమ్మ స‌మంత న‌టించ‌డంతో మ‌రింత క్రేజ్ వ‌చ్చింది. ఇదిలా ఉంటే మేకర్స్ ఫ్యామిలీ మ్యాన్ – 2 ముగిసే స‌మ‌యంలో మూడో పార్ట్ కూడా ఉంటుంద‌న్న హింట్ ఇచ్చిన విష‌యం తెలిసిందే. ఇక మేక‌ర్స్ కూడా మూడో పార్ట్ ఉంటుంద‌ని ఇప్ప‌టికే సూచ‌న ప్రాయంగా చెప్పారు. ఇదిలా ఉంటే మూడో సీజ‌న్ త‌మిళ‌నాడుకు చెందిన ప్ర‌ముఖ విల‌క్ష‌ణ న‌టుడు విజ‌య్ సేతుప‌తి ఈ వెబ్ సిరీస్‌లో న‌టించ‌నున్న‌ట్లు వార్త‌లు వ‌స్తున్నాయి. మ‌రి విజ‌య్ సేతుప‌తి నిజంగానే ఫ్యామిలీ మ్యాన్‌లో న‌టించ‌నున్నాడా.? న‌టిస్తే ఏ పాత్ర‌లో క‌నిపించ‌నున్నాడ‌న్న దానిపై ఇప్ప‌టి నుంచే ఆయ‌న అభిమానుల్లో క్యూరియాసిటీ మొద‌లైంది.