Love Today: అప్పుడే ఓటీటీలోకి లవ్ టుడే సినిమా.. తెలుగులో స్ట్రీమింగ్ ఎప్పుడు, ఎక్కడంటే?
కేవలం ఐదు కోట్ల బడ్జెత్తో నిర్మితమైన లవ్ టుడే సినిమా అరవై కోట్లకుపైగా వసూళ్లు రాబట్టింది. దీంతో ఈ సినిమాను అదే పేరుతో దిల్రాజు తెలుగులోకి డబ్ చేశారు. గత శుక్రవారం (నవంబర్ 25న) థియేటర్లలో విడుదలైన ఈ రొమాంటిక్ లవ్ ఎంటర్టైనర్కు ఇక్కడ కూడా పాజిటివ్ టాక్ వచ్చింది.
Updated on: Nov 27, 2022 | 1:29 PM
మూడు వారాల క్రితం తమిళంలో విడుదలైన బ్లాక్ బస్టర్ సినిమా లవ్ టుడే. ప్రదీప్ రంగనాథన్ నటిస్తూ, దర్శకత్వం వహించిన ఈ చిత్రం తమిళంలో కలెక్షన్ల వర్షం కురిపించింది. కేవలం ఐదు కోట్ల బడ్జెత్తో నిర్మితమైన లవ్ టుడే సినిమా అరవై కోట్లకుపైగా వసూళ్లు రాబట్టింది. దీంతో ఈ సినిమాను అదే పేరుతో దిల్రాజు తెలుగులోకి డబ్ చేశారు. గత శుక్రవారం (నవంబర్ 25న) థియేటర్లలో విడుదలైన ఈ రొమాంటిక్ లవ్ ఎంటర్టైనర్కు ఇక్కడ కూడా పాజిటివ్ టాక్ వచ్చింది. ప్రేమకథకు కామెడీని జోడించి ఎంతో ఆసక్తికరంగా ఈ సినిమాను తీర్చిదిద్దాడు ప్రదీప్. ఈ చిత్రంలో ప్రదీప్కు జోడీగా ఇవానా, రవీనా రవి హీరోయిన్లుగా నటించార. సత్యరాజ్, రాధికా, యోగిబాబు కీలకపాత్ర పోషించారు. యువన్ శంకర్ రాజా అందించిన పాటలు శ్రోతలను ఆకట్టుకుంటున్నాయి. ఇదిలా ఉంటే థియేటర్లలో సక్సెస్ఫుల్గా రన్ అవుతోన్న లవ్టుడే సినిమా అప్పుడే ఓటీటీ స్ట్రీమింగ్ కు సిద్ధమైంది.
ప్రముఖ ఓటీటీ ప్లాట్ఫామ్ నెట్ఫ్లిక్స్ లవ్టుడే డిజిటల్ రైట్స్ను సొంతం చేసుకుంది. ఇందుకోసం భారీగానే డబ్బులు చెల్లించిందట. కాగా డిసెంబర్ 2న ఈ సినిమాను స్ట్రీమింగ్ చేయనునుంది. తమిళంతో పాటు తెలుగు భాషల్లోనూ ఈ సినిమా రిలీజ్ కాబోతుంది. దీనికి సంబంధించి నెట్ఫ్లిక్స్ అధికారిక ప్రకటన విడుదల చేసింది. కాగా తెలుగులో విడుదలైన మొదటి రోజే ఈ సినిమా రూ. 2 కోట్లకు పైగా వసూళ్లు రాబట్టింది.శనివారం రోజు కూడా కోటికిపైగా కలెక్షన్లు వచ్చినట్లు ట్రేడ్ నిపుణులు చెబుతున్నారు. ఇలా వసూళ్లు పెరుగుతున్న తరుణంలో ఓటీటీ రిలీజ్ డేట్ విడుదల చేయడం దిల్రాజుకు షాకింగ్ కలిగించే విషయమే.
View this post on Instagram
మరిన్ని సినిమా వార్తల కోసం క్లిక్ చేయండి..
