Naga Chaitanya: ‘ఆమె మా హృదయాలను ముక్కలు చేసింది’.. ఫస్ట్‌ లవ్‌ గురించి చైతన్య ఇంట్రెస్టింగ్ కామెంట్స్..
Naga Chaitanya: నాగచైతన్య హీరోగా తెరకెక్కి తాజా చిత్రం థ్యాంక్యూ (Thank you). విక్రమ్‌ కె. కుమార్‌ దర్శకత్వం వహించిన ఈ సినిమాను జులై 22న విడుదల చేయడానికి చిత్ర యూనిట్‌ సన్నాహాలు చేస్తోంది...
Naga Chaitanya: నాగచైతన్య హీరోగా తెరకెక్కి తాజా చిత్రం థ్యాంక్యూ (Thank you). విక్రమ్‌ కె. కుమార్‌ దర్శకత్వం వహించిన ఈ సినిమాను జులై 22న విడుదల చేయడానికి చిత్ర యూనిట్‌ సన్నాహాలు చేస్తోంది. ఇందులో చై సరసన రాశీఖన్నా, మాళవిక, అవికా గోర్ నటిస్తున్నారు. ఈ సినిమాపై మంచి అంచనాలు ఏర్పడ్డాయి. ముఖ్యంగా చిత్ర ట్రైలర్‌, పాటలు మంచి జబ్‌ను తెచ్చాయి. ఓ యువకుడి జీవితంలో ఎదురైన సంఘటనల సమాహారంగా ఈ సినిమా కథ ఉండనున్నట్లు ట్రైలర్‌ చూస్తే అర్థమవుతోంది. మంచి ఫీల్‌ గుడ్‌ మూవీగా తెరకెక్కిన ఈ సినిమా ప్రమోషన్స్‌ను చిత్ర యూనిట్‌ శరవేగంగా కొనసాగిస్తోంది.
ఇందులో భాగంగా తాజాగా రాశీ ఖన్నా, నాగ చైతన్య ఓ ఇంటర్వ్యూలో సందడి చేశారు. ఈ సందర్భంగా చైతన్య పలు ఆసక్తికర విషయాలను పంచుకున్నారు. జీవితంలో తన తొలి ప్రేమ గురించి చెప్పుకొచ్చారు. ఈ విషయమై చై మాట్లాడుతూ.. ‘తొమ్మిదో తరగతి చదివేటప్పుడు ఓ అమ్మాయిపై, నాకు, నా ఫ్రెండ్‌కు క్రష్‌ ఉండేది. అయితే ఆ అమ్మాయి మా హృదయాలను ముక్కలు చేయడంతో మేం ముగ్గురం మంచి ఫ్రెండ్స్‌గా మారిపోయామని’ నవ్వుతూ చెప్పుకొచ్చాడు చైతన్య.
ఇక థ్యాంక్యూ సినిమాలో నటించడానికి కారణమేంటన్న ప్రశ్నకు బదులిస్తూ.. ‘సందర్భానికి తగ్గట్టు ఫీలింగ్స్‌ ఎక్స్‌ప్రెస్‌ చేయాలనే విషయాన్ని ఈ ‘థ్యాంక్‌ యూ’ స్క్రిప్టు గుర్తుచేసింది. ఈ కథ విన్న వెంటనే నా జీవితంలో ప్రత్యేకమైన వ్యక్తులకు థ్యాంక్స్‌ చెప్పాలనిపించింది. ఆ ఫీలింగ్‌తోనే ఈ సినిమాలో నటించా’నని చెప్పుకొచ్చాడు. మరి బంగార్రాజు, లవ్‌ స్టోరీ వంటి బ్యాక్‌ టు బ్యాక్‌ హిట్స్‌ అనంతరం చై నటిస్తోన్న ఈ చిత్రం ఆయన కెరీర్‌ను ఎలాంటి మలుపు తిప్పుతుందో చూడాలి.
మరిన్ని సినిమా వార్తల కోసం క్లిక్ చేయండి..
