సోనూసూద్‌పై ప్రశంసల జల్లు కురిపించిన మెగాస్టార్ చిరంజీవి.. ట్విట్టర్ వేదికగా ఏం చెప్పాడంటే..

కలియుగ కర్ణుడు సోనూసూద్ గురించి అందరికి తెలిసిన విషయమే. లాక్‌డౌన్‌ సమయంలో వలస కూలీలను, శరణార్థులను ఆదుకున్న మహానుభావుడు. ఉపాధి కోల్పోయిన వారికి మార్గదర్శం చూపిన మహనీయుడు. ఆర్థికంగా వెనుకబడిన వారికి దారి చూపిన దయనీయుడు అలాంటి సోనూసూద్ ఇటీవల మెగాస్టార్ చిరంజీవి గురించి ఓ ట్వీట్ పోస్ట్ చేశారు. వీరిద్దరు ఆచార్య మూవీలో కలిసి చేస్తున్న సంగతి అందరికి తెలిసిందే.

ఈ సినిమా షూటింగ్‌లో భాగంగా చిరు-సోనూలపై యాక్షన్‌ సన్నివేశాలను చిత్రీకరించారు. ఈ సందర్భంలో సోనూ స్పందిస్తూ తాను చేస్తున్న సేవల పట్ల చిరు సంతోషం వ్యక్తం చేశారని షూటింగ్‌లో తనని కొట్టడానికి కూడా ఆయన ఎంతో ఇబ్బందిపడ్డారని అన్నారు. అంతేకాకుండా చిరు ఎంతో గొప్పవారని ‘నేను కలిసి పనిచేసిన ఎంతోమంది గొప్ప వ్యక్తుల్లో, మర్యాదపూర్వకమైన వారిలో ఒకరైన చిరంజీవి సర్‌ ఎంతో మంచి వ్యక్తని, లవ్‌ యూ సార్ అని పేర్కొన్నారు. దీనికి చిరు స్పందించి ‘ధన్యవాదాలు సోనూసూద్‌ నువ్వు మంచివాడివి, నువ్వు ఇలాగే ఎంతోమంది నిస్సహాయులకు సాయం చేయాలని, ఎన్నో లక్షల మందిలో ప్రేరణ నింపాలని ఆశిస్తున్నా. నీ శక్తి సామర్థ్యాలు మరింత వృద్ధి చెందాలని కోరుకుంటున్నా. నీ బంగారంలాంటి మనసుతో మరింత గుర్తింపు పొందుతావు’ అని ట్వీట్ చేశారు.